წულუკიანი ყიზილაჯლოს ინციდენტზე: ამ შემთხვევას პოლიტიკური სარჩული არ უნდა დაედოს

2017-10-20 10:52:05, 1902 ნახვა

კომენტარი

იუსტიციის მინისტრი თეა წულუკიანი ყიზილაჯლოში მომხდარ ინციდენტს გამოეხმაურა.

მინისტრის თქმით, გამოძიების დასრულებამდე ყველამ თავი უნდა შეიკავოს ვერსიებზე საუბრისგან.

„არავითარ შემთხვევაში არ შეიძლება ამ ეტაპზე რაიმე ტიპის ვერსიებზე საუბარი, რადგან მიმდინარეობს გამოძიება, ვერავითარი პოლიტიზირება ამ საკითხისა ვერ მოხდება მარტო იქიდან გამომდინარე, რომ სტატუსი ჰქონდა და აქვს ერთ-ერთ დაჭრილ პირს კანდიდატისა,ჩვენ ვფიქრობთ, ამ თემის არჩევენებთან და პოლიტიკასთან დაკავშირების გარეშე უნდა დავაკვირდეთ და დაველოდოთ გამოძიების შედეგებს“,-განაცხადა თეა წულუკიანმა.

ცნობისთვის, მიმდინარე წლის 19 ოქტომბერს, გვიან ღამით, მარნეულის რაიონის სოფელ ყიზილაჯლოში, პარტია „ქართული ოცნების“ საარჩევნო შტაბის მიმდებარე ტერიტორიაზე, დაუდგენელმა პირმა ავტომატური ცეცხლსასროლი იარაღიდან გასროლით 4 პირი დაჭრა.