თავდაცვის ყოფილი მინისტრი და „თავისუფალი დემოკრატების“ ლიდერი ირაკლი ალასანია თავდაცვის მინისტრობის კანდიდატს თინა ხიდაშელს რამდენიმე რჩევას აძლევს.

როგორც ალასანიამ ჟურნალისტებთან საუბარში აღნიშნა,   მისთვის ძალიან სასიხარულოა, რომ პირველად ხდება თავდაცვის მინისტრობის პოსტზე  ქალის  კანდიდატურის წარდგენა.

„მე რა თქმა უნდა ძალიან მიხარია, რომ ქალბატონი არის კაბინეტში წარდგენილი და ის იქნება ქალი, რომელიც პირველად გახდება  თავდაცვის მინისტრი, თუკი პარელამენტმა დაამტკიცა და მე ამის პრობლემას ვერ ვხედავ. მე მინდა რამდენიმე  რამ ვუსურვო და ვურჩიო.  პირველი ის, რომ  მე მწამს ის იქნება  მზრუნველი ჯარისკაცებზე, როგორც  ჯარისკაცის მამას დიდი სურვილი  მაქვს, რომ ეს ასე იყოს და  ასევე მინდა ვურჩიო, რომ  გააგრძელოს ის გზა, რომელიც ჩვენ  ავირჩიეთ ჩვენი ქვეყნის თავდაცვისუნარიანობის  დამტკიცებისთვის ეს ეხება საჰაერო და სხვა თავდაცვითი სისტემების შეძენას. მე ვიცნობ თინა ხიდაშელს, იმედი მაქვს, რომ იზრუნებს ჯარისკაცებზე, დანარჩენს კი, დრო გვიჩვენებს. დანარჩენი დამოკიდებული იქნება იმაზე, რამდენად მოახერხებს იგი, იხელმძღვანელოს ქვეყნის ეროვნული უსაფრთხოების პრინციპებით და არა ლოიალობით რომელიმე პოლიტიკური ფიგურის მიმართ", - განაცხადა ირაკლი  ალასანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ მოსკოვის საჰაერო სივრცის ბლოკადა განაახლა, რის შედეგადაც ოთხივე აეროპორტი მუშაობას წყვეტს

68 წლის შერონ სტოუნმა 34 წლის შემდეგ ხელახლა განასახიერა „ძირითადი ინსტინქტის“ ლეგენდარული სცენა

საფრანგეთში არეულობების შემდეგ Hermès-ი ბუტიკებში უსაფრთხოების ზომებს აძლიერებს

თავის ახალ სამშვიდობო გეგმაში აშშ-მ მოსკოვს შესთავაზა დონბასში დემილიტარიზებული ზონის შექმნა, უკრაინის მიერ ნატოზე უარის თქმა და რუსეთის წინააღმდეგ სანქციების მოხსნა