რეგიონული განვითარებისა და ინფრასტრუქტურის მინისტრის ზურაბ ალავიძის ინფორმაციით, ანაკლიის პორტის მშენებლობის პროექტის განხორციელება წარმატებით მიმდინარეობს.

როგორც ალავიძემ ჟურნალისტებს განუცხადა, დასრულდა ანაკლიის ღრმაწყლოვანი პორტის პროექტის პირველი -  იურიდიული ეტაპი და დეკემბრის ბოლოს უკვე მშენებლობა დაიწყება:

„როგორც მოგეხსენებათ, ანაკლიის პორტის მშენებლობა ქვეყნისთვის არის ძალიან მნიშვნელოვანი.  ყველაზე დიდ სტრატეგიულ პროექტებს შორის წამყვანი ადგილი  უჭირავს ანაკლიის პორტის მშენებლობას. ამ პორტის აშენება მოგვცემს საშუალებას,   გამოვიყენოთ მთელი სატრანზიტო პოტენციალი. პორტის მშენებლობის პროექტი წარმატებით მიმდინარეობს. დასრულდა ერთი ეტაპი, ეკონომიკის სამინისტრომ ბევრი იმუშავა და მივედით იქამდე, რომ უკვე  დეკემბრის ბოლოს იწყება მშენებლობა. აქედან გამომდინარე, ეკონომიკის სამინისტრო და მთავრობაც ჩართულია ამ პროცესებში და ეს არის კერძო-საჯარო პარტნიორობის პროექტი. ვინაიდან გადავდივართ მშენებლობაზე,  მთავრობის მხრიდან, ეკონომიკის სამინისტროდან რეგიონული განვითარების და ინფრასტრუქტურის სამინისტროს გადმოეცა პროექტი, დავიწყებთ მშენებლობის ფაზაზე მონიტორინგს. პროექტი მიმდინარეობს წარმატებით, საფინანსო ინსტიტუტებთანაც მოლაპარაკებებს კონსორციუმი ახორციელებს წარმატებით“, - აღნიშნა  ზურაბ ალავიძემ.

ავტორი: ,

სოციალური ქსელები

„ფორმულას" განცხადებით, დავალიანების გამო არხის ღია სიგნალით მაუწყებლობა შეწყდა

მედვედევმა ფაშინიანს და ზელენსკის „ორი უტვინო რუსოფობი“ უწოდა

ზელენსკიმ 5-6 მაისის ღამეს ცეცხლის შეწყვეტა გამოაცხადა

ჩერნობილის კატასტროფის სამაშველო სამუშაოების ხელმძღვანელმა და РХБЗ სამხედრო ძალების უფროსმა- გენერალმა თავი მოიკლა