თბილისის საკრებულოს სხდომა, სადაც  ყოფილ პრემიერ ბიძინა ივანიშვილთან დაკავშირებული კომპანიებისთვის თბილისში არსებული  მიწის  ნაკვეთების პირდაპირი წესით გადაცემის საკითხის განხილვაა დღის წესრიგით გათვალისწინებული, ხმაურის ფონზე მიმდინარეობს.

ოპოზიცია პუშკინის სკვერთან არსებული მიწის ნაკვეთისთვის ფუნქციური ზონის სტატუსის შეცვლასა და სოლოლაკის ქედზე ტერიტორიისთვის  ლანდშაფტური ზონის სტატუსის შეცვლას აპროტესტებს.

საკრებულოს  სხდომაზე დასწრება სურდათ „ნაციონალური მოძრაობისა" და  „ევროპული საქართველოს“  წევრებს, თუმცა ისინი საკრებულოში არ შეუშვეს.

სხდომას მხოლოდ საკრებულოს წევრები, თანამშრომლები და მედიის წარმომადგენლები ესწრებიან.

რესპუბლიკური პარტიის  წევრმა  ხათუნა სამნიძემ საკრებულოს თავმჯდომარე კანონის დარღვევაში დაადანაშაულა.

"რის საფუძველზე დახურეთ სხდომა. იყოს ღია. შიშის საფუძველზე ხურავთ, რომ სხდომას ვერ მართავთ და ვერ ასრულებთ საკუთარ მოვალეობას. არღვევთ კანონს სისტემატიურად; არ გაქვთ უფლება, სხდომ ა ასე დახურულად ჩატარდეს",-მიმართა საკრებულოს თავმჯდომარეს ხათუნა სამნიძემ.

ოპოზიციას საკრებულოს უმრავლესობის დეპუტატმა ჯაბა ჯიშკარიანმა უპასუხა.

"მიჩვეული ვარ თქვენი მხრიდან წამოძახებებს,  უზრდელობებს.

არ შეიძლება, ზალიკო უდუმაშვილის პოზიორობას და მის მერობისკენ  გაქაჩვას შეეწიროს საკრებულოს საქმიანობა",-აღნიშნა ჯიშკარიანმა.

საკრებულოს სხდომის დღის წესრიგით გათვალისწინებული საკითხების განხილვა ამ დრომდე ვერ ხერხდება.

შეგახსენებთ, პუშკინის სკვერთან  არსებული გარკვეული მიწის ნაკვეთისთვის ფუნქციური ზონის სტატუსის შეცვლასა და სოლოლაკის ქედზე ტერიტორიისთვის  ლანდშაფტური ზონის სტატუსის შეცვლას   საკრებულომ  მხარი 29 სექტემბერს  დაუჭირა. პროცედურის მიხედვით, თბილისის მერიამ საკრებულოს განკარგულებების და ხელშეკრულებების პროექტები გადაუგზავნა.

ცნობისთვის, მმართველ გუნდში თანაინვესტირების ფონდის დაფინანსებულ თაბორის პროექტთან დაკავშირებით ოპონენტების კრიტიკას  უსაფუძვლოს უწოდებენ. პრემიერის თქმით, თბილისში ხორციელდება უპრეცედენტო, ისტორიული პროექტი, რომელიც შექმნის ანალოგის არმქონე, ყველასათვის ხელმისაწვდომ 400 ათას კვადრატულ მეტრ მწვანე სივრცეს, სასეირნო თუ სარბენი ბილიკებით, რეკრეაციული ზონით.

ამასთან, გიორგი კვირიკაშვილის ინფორმაციით,  საუბარია პუშკინის სკვერის მიმდებარე, მიწისქვეშა ტერიტორიაზე პარკინგის მშენებლობაზე

ავტორი: ,

სოციალური ქსელები

მოსკოვმა, სოხუმმა და ცხინვალმა თბილისიდან „ძალის გამოუყენებლობის გარანტიები“ მოითხოვეს

„ნაციონალურმა მოძრაობამ“ სააკაშვილის მხარდასაჭერად აქცია დააანონსა

გენერალურ პროკურორსა და კორონავირუსით გარდაცვლილი 20 წლის ფეხბურთელის, ვახტანგ ჩარკვიანის მამას, გაიოზ ჩარკვიანს შორის შეხვედრა შედგა

24-25 სექტემბერს საქართველოს უმეტეს ტერიტორიაზე მოსალოდნელია ნალექი