თბილისის მერი დავით ნარმანია, საქართველოს პრემიერ-მინისტრთან გიორგი კვირიკაშვილთან ერთად, „ახალ ტფილისში“ თბილისობის დღესასწაულთან დაკავშირებით გამართულ  ღონისძიებებს დაესწრო. 

სპეციალურად „თბილისობის“ დღესასწაულისთვის განახლებულ აღმაშენებელზე ქართული მარკების გამოფენა მოეწყო. ძველი ფოსტის შენობის გასწვრივ 4 საფოსტო ყუთის ექსპოზიცია დამონტაჟდა, რომლებიც ერთმანეთთან ეპისტოლარული ხაზებით არის დაკავშირებული და წარმოსახვით ღია ბარათებისა და წერილების მიმოქცევის იმიტაციას ქმნის. ექსპოზიციაზე წარმოდგენილი გახლავთ  30  ქართული მარკა 1918 წლიდან - დღემდე. 

გარდა ამისა,  მთელი დღის  განმავლობაში „ახალ ტფილისში“  საბავშვო-გასართობი აქტივობები მიმდინარეობს. განახლებულ აღმაშენებელზე საკონდიტრო ნაწარმის გამოფენა-გაყიდვა და ცნობილი შეფ-მზარეულების პერფორმანსი ეწყობა.

ერთ-ერთი მთავარი ღონისძიება კი მსახიობებისა და მუსიკოსების მონაწილეობით მიმდინარე მსვლელობა/პერფორმანსი „მექანიკური სიზმარი“ გახლავთ, რომლის ფარგლებშიც განახლებულ აღმაშენებელზე ზღაპრული, მექანიკური კონსტრუქციები გახლავთ განთავსებული. ასევე სპეციალურად ამ ღონისძიებისთვის მომზადდა მექანიკური კოსტიუმები. 

მექანიკური კონსტრუქციები მოიცავს რკინის „ცათმფრენს“. ასევე ზღაპრული დეკორის მქონე ხუთბორბლიან, 1,5 მეტრიან ველოსიპედს. „მექანიკური სიზმრის“ ავტორი უტა ბექაიაა. პერფორმანსის  ნახვა მსურველებს 20:00 საათამდე  შეეძლებათ.

20:00 საათზე კი,  თბილისის მერიის საკონცერტო ორკესტრი „ბიგ-ბენდი“ კონცერტს გამართავს, სადაც სიმღერები ორკესტრის მრავალფეროვანი  საკონცერტო რეპერტუარიდან იქნება წარმოდგენილი.

(NS)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია