რუსმა და ქართველმა დეპუტატებმა ჰუმანიტარული თანამშრომლობის საკითხები, კერძოდ კი, ოკუპირებული აფხაზეთის გავლით სარკინიგზო მაგისტრალის აღდგენის შესაძლებლობა განიხილეს, - ამის შესახებ Ria იუწყება.

მედია საშუალების ინფორმაციით, შეხვედრა სახელმწიფო დუმაში დღეს გაიმართა. მას დსთ-ს საქმეთა კომიტეტის წევრები და ფრაქცია "პატრიოტთა ალიანსის" წევრები ესწრებოდნენ.

მედია წერს, რომ ეს მოსკოვში ქართველი დეპუტატების მეორე ვიზიტია, ბოლო 3 თვის განმავლობაში.

"ჩვენ შეხვედრებზე რიგ საკითხებს განვიხილავთ, რომლებიც გადახედვას და გადაწყვეტილებების მიღებას საჭიროებენ. პირველ რიგში კი, ჰუმანიტარული თანამშრომლობის საკითხია განსახილველი. ეს საკითხები საქართველო-რუსეთის ორმხრივ ურთიერთობებს და მათ დარეგულირებას ეხება. მათ შორის თანამშრომლობა სარკინიგზო მაგისტრალის აღდგენის თვალსაზრისით, რომელიც აფხაზეთის ტერიტორიაზე გადის", - განაცხადა დსთ-ს საქმეთა კომიტეტის თავმჯდომარე ლეონიდ კალაშნიკოვმა.

მისივე თქმით, "პატრიოტთა ალიანსის" წევრებთან შეხვედრაზე ასევე, ოკუპირებულ ტერიტორიებზე წინაპრების და ნათესავების საფლავებზე ჩასვლაზეც ისაუბრეს.

კალაშნიკოვის შეფასებით, ეს "ძალიან სენსიტიური საკითხია".

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია