მმართველი გუნდი პრეზიდენტის შეთავაზებას იღებს. როგორც „ქართული ოცნების“ წევრმა გია ვოლსკიმ „ექსპრესნიუსს“ განუცხადა, უმრავლესობის წარმომადგენლები ხვალ პრეზიდენტის სასახლეში მივლენ და კონსტიტუციის პროექტთან დაკავშირებით გიორგი მარგველაშვილთან კონსულტაციებს გამართავენ.

ვოლსკის თქმით, ხვალინდელი შეხვედრა ძალიან მნიშვნელოვანი იქნება:

„დიახ, უმრავლესობის წარმომადგენლები აუცილებლად მივლენ და მოილაპარაკებენ იმ საკითხებზე, რაც აქტუალურია. ვფიქრობ, ხვალინდელი  შეხვედრა მნიშვნელოვანი იქნება იმ თვალსაზრისით, რომ კიდევ დამატებითი არგუმენტების მოსმენა  მნიშვნელოვანი იქნება პრეზიდენტისთვის. თანაც ეს არგუმენტები მნიშვნელოვანწილად გაზიარებულია ვენეციის კომისიის მიერ. ჩვენ ყველა რესურსი უნდა  გამოვიყენოთ, რათა გავიდეთ ამ საკითხიდან ისე, რომ სახელმწიფოც არ დაზარალდეს  და  კონსტიტუციის სახით შესანიშნავი დოკუმენტი მივიღოთ, რომელსაც საერთაშორისო თანამეგობრობა უკვე უჭერს მხარს იმ გარკვეული  შესწორებებით, რასაც პრეზიდენტს ვთავაზობთ“,-განაცხადა გია ვოლსკიმ და დასძინა, რომ მმართველი გუნდის შეთავაზება კონსტიტუციის პროექტში ორ შესწორებასთან დაკავშირებით ძალაში რჩება:

„ჩვენი შეთავაზება ძალაში რჩება.  ის  ორი შესწორება შეგვიძლია შევიტანოთ კონსტიტუციის პროექტში, თუნდაც ამისთვის საჭირო იყოს ახალი ინიცირება. კარგი იქნება, თუკი პრეზიდენტი გაითვალისწინებს მოსაზრებებს, მათ შორის ვენეციის კომისიისას, გათვალისწინებს ჩვენს არგუმენტებს და  უფრო სიღრმისეულ ანალიზს გააკეთებს იმასთან დაკავშირებით, თუ რა ხდება და გამოვა ამ ულტიმატუმის ფორმატიდან“,-აღნიშნა გია ვოლსკიმ.

ცნობისთვის, საქართველოს პრეზიდენტის ადმინისტრაცია საკონსტიტუციო ცვლილებების პროექტთან დაკავშირებით „ქართულ ოცნებასთან" შეხვედრის კონკრეტულ თარიღს ასახელებს და მმართველ პარტიას პრეზიდენტთან შესახვედრად ხვალ, ოთხშაბათს, 4 ოქტომბერს, 16:00 საათზე პრეზიდენტის სასახლეში იწვევს.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია