ვითიბი ბანკი კოტე მარჯანიშვილის სახელობის  სახელმწიფო დრამატული თეატრის გენერალური პარტნიორი გახდა.

აღნიშნული თანამშრომლობის შესახებ ხელშეკრულებას ხელი დღეს ვითიბი ბანკის გენერალურმა დირექტორმა არჩილ კონცელიძემ და მარჯანიშვილის თეატრის დირექტორმა ეკატერინე  მაზმიშვილმა მოაწერეს.

„ჩვენ მოხარულები ვართ, რომ დღეს ამ მნიშვნელოვან თანამშრომლობას ვიწყებთ მარჯანიშვილის თეატრთან. ვთვლით, რომ ბიზნეს სექტორის  მხარდაჭერა აუცილებელია ხელოვნების სხვადასხვა დარგისთვის, რათა კიდევ უფრო მეტად  განვითარების საშუალება მიეცეს. აღნიშნული თანამშრომლობით ჩვენ ჩვენი წვლილი შეგვაქვს ამ საქმეში, რაც დარწმუნებული ვარ, წარმატების მომტანი იქნება როგორც ჩვენთვის, ასევე მარჯანიშვილის თეატრისთვის. ვითიბი ბანკი ძალიან აქტიურია კულტურის, სპორტის მხარდაჭერაში  და ეს არის ერთ-ერთი მნიშვნელოვანი ნაბიჯი“,-განაცხადა  დღეს ვითიბი ბანკის გენერალურმა დირექტორმა არჩილ კონცელიძემ.

ვითიბი ბანკის მხარდაჭერით, მარჯანიშვილის თეატრი ოთხმოცდამეათე სეზონს 3 ოქტომბერს იწყებს. პრემიერაზე წარმოდგენილი იქნება სპექტაკლი „ნავიგატორი“, დამდგმელი რეჟისორები  არიან ლევან წულაძე და ანა ცუცქირიძე.

„90-ე სეზონს ვხსნით ხვალ პრემიერით „ნავიგატორი“. ლაშა ბუღაძის  პიესაა და ლევან წულაძე დგამს  სპექტაკლს. ძალიან ბევრი  გეგმა გვაქვს ბანკთან ერთად. ეს არის პირველ რიგში სპექტაკლები და ბევრი სხვა ამბავი, რომელსაც ნელ-ნელა შეგატყობინებთ. ეს ჩვენთვის ისტორიული მნიშვნელობის მომენტია, რადგან 90 წლის ხდება თეატრი, 110 წლისთავია პეტრე ორცხელის დაბადებიდან, 120 წლისთავია ვერიკო ანჯაფარიძის დაბადებიან და ბევრი სხვა რამ ხდება. თეატრი ვითარდება, ბევრი საინტერესო რამ გველოდება“,-აღნიშნა მარჯანიშვილის თეატრის დირექტორმა ეკატერინე  მაზმიშვილმა.

(R)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია