პრეზიდენტ გიორგი მარგველაშვილის განცხადებით, ეროვნული უშიშროების საბჭოს სხდომაზე მხოლოდ დღის წესრიგით გათვალისწინებულ საკითხებზე იმსჯელეს.

კერძოდ, ეს საკითხები იყო: საქართველოს სამხედრო ძალების რაოდენობა 2018 წლისათვის; 2. სამხედრო აღმშენებლობასა და ქვეყნის თავდაცვის ორგანიზაციასთან დაკავშირებული საკითხები; ნატო-საქართველოს არსებითი პაკეტის განხორციელების პროგრესი; საქართველოს თავდაცვის მზადყოფნის პროგრამა;  საქართველოს ეროვნული თავდაცვის გეგმის პროექტის საკვანძო საკითხები; საერთაშორისო სამშვიდობო მისიებში საქართველოს შეიარაღებული ძალების შესაბამისი ქვედანაყოფებისა და სამხედრო მოსამსახურეების მონაწილეობა და იქ არსებული უსაფრთხოების გარემო;  რუსეთის ფედერაციის მიერ ბოლო პერიოდში განხორციელებული სამხედრო სწავლებები საქართველოს ოკუპირებულ ტერიტორიებზე და მათი გავლენა ქვეყნის თავდაცვისუნარიანობაზე;  მზადება ნატო-ს მომავალი სამიტისათვის.

პრეზიდენტმა უშიშროების საბჭოს  შეხვედრას კონსტრუქციული უწოდა:

 "შეხვედრაზე დღის წესრიგით გათვალისწინებული ყველა საკითხი განვიხილეთ. პირველ რიგში ეს იყო შეიარაღებული ძალების რიცხოვნობა, ეს დოკუმენტი პარლამენტს გადაეგზავნა დასამტკიცებლად. ასევე, ვისაუბრეთ ნატოსთან თანამშრომლობის ფორმატებზე, იმ პროგრესზე, რომელიც ამ მიმართულებით ხორციელდება. ვისაუბრეთ ნატოს მომავალი სამიტის დაგეგმვის პროცედურებზე, საქართველოს თავდაცვის საკითხებზე. ამასთან, განვიხილეთ ოკუპირებულ რეგიონებში არსებული ვითარება",-აღნიშნა პრეზიდენტმა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია