საქართველოს პარლამენტის თავმჯდომარის ირაკლი კობახიძის განცხადებით, საპარლამენტო უმრავლესობასა და პრეზიდენტის ადმინისტრაციის წარმომადგენლებს შორის, შეხვედრასთან დაკავშირებით კომუნიკაცია შედგა.

ირაკლი კობახიძემ ჟურნალისტებთან საუბრისას აღნიშნა, რომ პრეზიდენტისა და უმრავლესობის შეხვედრა ყველაზე სწორი ფორმატი იქნება.

„ყველაზე კარგი და სწორი ფორმატი იქნება პრეზიდენტისა და უმრავლესობის შეხვედრა. პრეზიდენტს უმრავლესობამ შესთავაზა ასეთი ფორმატით შეხვედრა და იმედი გვაქვს, რომ ეს შეხვედრა შედგება. როგორც ვიცი, არის კომუნიკაცია პრეზიდენტის წარმომადგენლებსა და უმრავლესობის წარმომადგენლებს შორის და იმედი მაქვს, რომ შეთანხმდებიან ისინი შეხვედრის დროსა და ადგილზე. 

შეთავაზება გაკეთდა საჯაროდაც ჩვენი წარმომადგენლების მხრიდან და მე რამდენადაც მაქვს ინფორმაცია, იყო  კომუნიკაცია უმრავლესობის კონკრეტულ წარმომადგენლებსა და  პრეზიდენტის კონკრეტულ წარმომადგენლებს შორის. ეს კომუნიკაცია, სავარაუდოდ, გრძელდება . მე არ მაქვს უახლესი ინფორმაცია. მე პირადად იმედი მაქვს, რომ შედგება შეხვედრა პრეზიდენტსა და უმრავლესობას შორის",- განაცხადა ირაკლი კობახიძემ.

მისივე თქმით, საპარლამენტო უმრავლესობის შეხვედრა პრეზიდენტთან უმრავლესობის ლიდერმა უნდა წარმართოს. 

„როცა საუბარია უმრავლესობის და პრეზიდენტის შეხვედრაზე, რა თქმა უნდა უმრავლესობა უნდა იყოს წარმოდგენილი უმრავლესობის ლიდერით. ჩვენ გვაქვს ფორმალიზებული სტრუქტურა, ფორმალიზებული პროცედურები. უმრავლესობას წარმოადგენს უმრავლესობის ლიდერი, შესაბამისად, მან უნდა წარმართოს უმრავლესობის შეხვედრა პრეზიდენტთან",- განაცხადა პარლამენტის თავმჯდომარემ.

რაც შეეხება ოპოზიციასთან საერთო შეხვედრას, ირაკლი კობახიძე მიიჩნევს, რომ ეს შეხვედრა შედეგის მომტანი არ იქნება. პარლამენტის თავმჯდომარის განცხადებით, კონსტიტუციასთან დაკავშირებით, დისკუსია დასრულებულია.

„რაც შეეხება საერთო შეხვედრას, ეს შეხვედრა შედეგის მომტანი არ იქნება. ზოგადად, კონსტიტუციასთან დაკავშირებით დისკუსია არის დასრულებული. ეს ყველამ ვიცით. დისკუსია დასრულდა. პარლამენტმა მიიღო  ძალიან ხანგრძლივი დისკუსიის შედეგად, ხანგრძლივი განხილვების შედეგად ის დოკუმენტი, რომელიც არის ჩამოყალიბებული საბოლოო ჯამში ჯერ  სახელმწიფო-საკონსტიტუციო კომისიის მიერ და მერე საპარლამენტო ფორმატში. კონსტიტუციასთან დაკავშირებით დისკუსია არის დასრულებული",- აღნიშნა პარლამენტის თავმჯდომარემ.

ავტორი: ,

სოციალური ქსელები

პუტინის სპეციალური წარმომადგენელი უკრაინასთან დაკავშირებული მოლაპარაკებებისთვის თითქმის ერთი წლის შემდეგ პირველად აშშ-ში ჩავიდა

რეჟიმის წარმომადგენელი პაპუაშვილი გორში ფესტივალის გაუქმების დაგმობის გამო, ევროკავშირს თავს ლუქსემბურგიდან ესხმის

პაპუაშვილი – ე.წ. უწყვეტი პროტესტი მიმართულია იქითკენ, თავის თავს რაღაცნაირად დააჯერონ, რომ არსებობენ

ევროკავშირი სინანულს გამოთქვამს უსაფრთხოების მიზეზით გორში ფესტივალ კამარას გადადების გამო