„ვფიქრობთ, რომ ძალიან პოზიტიური იქნება პრეზიდენტმა მიიღოს შეთავაზება და ვეტო ამ ორი ცვლილებებისთვის გამოიყენოს, რომელიც ეხება ბონუსის მექანიზმის გაუქმებს და ერთჯერადად ბლოკების შესაძლებლობის დატოვებას შემდეგი არჩევნებისთვის“, - ამის შესახებ საპარლამენტო უმრავლესობის ლიდერმა არჩილ თალაკვაძემ ჟურნალისტებს განუცხადა.

როგორც თალაკვაძემ აღნიშნა, თუ ეს შეთავაზება არ იქნება მიღებული, საპარლამენტო უმრავლესობა ვეტოს დაძლევს.

 „რაც შეეხება პრეზიდენტის ვეტოს, გუშინ პარლამენტის თავმჯდომარემ შესთავაზა პრეზიდენტს რომ ვეტო იქნას გამოყენებული იმ ორი მნიშვნელოვანი ცვლილების შესატანად, რომელიც ეხება ბონუსის მექანიზმის გაუქმებს და ერთჯერადად ბლოკების შესაძლებლობის დატოვებას შემდეგი არჩევნებისთვის. ვფიქრობთ რომ ძალიან პოზიტიური იქნება რომ პრეზიდენტმა ეს შეთავაზება მიიღოს და ვეტო ამ ორი ცვლილებისთვის გამოიყენოს. თუმცა, თუ ეს შეთავაზება არ იქნება მიღებული რა თქმა უნდა ჩვენ საპარლამენტო უმრავლესობა ვეტოს დავძლევთ. პარლამენტმა გუშინ მესამე მოსმენით მიიღო ახალი საკონსტიტუციო ცვლილბები, რომელიც ქმნის ქვეყნის გრძელვადიანი დემოკრატიული გან ვითარების გარანტიებს. აქ მნიშვნელოვანია რომ ოთხი პრინციპის გაძლიერება და მხარდაჭერა ხდება. ეს არის ძლიერი პარლამენტი, ქმედითი მთავრობა, დამოუკიდებელი მართლმსაჯულება, ზეპარტიული პრეზიდენტი. ამ კონსტიტუციაში გაძლიერებულია ადამიანის უფლებათა დაცვის გარანტიები ასევე სახელმწიფის პასუხისმგებლობები მოქალაქეების მიმართ. შექმნილია უკეთესი ბალანსი სახელისუფლებო შტოებს შორის“,-განაცხადა თალაკვაძემ.

მისივე თქმით, მნიშვნელოვანია რომ საკონსტიტუციო ცვლილებებს  ჰქონდეს  ორი  მნიშვნელოვანი მხარდაჭერა.

„ეს არის საზოგადოების მხარდაჭერა და ვენეციის კომისიის დადებითი დასკვნა, სადაც ცალსახადაა აღნიშნული რომ ეს საკონსტიტუციო ცვლილებები ქვეყნის დემოკრატიას და ქვეყნის გრძელვადიან განვითარებას ემსახურება“,-აღნიშნა თალაკვაძემ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია