იურიდიულ საკითხთა კომიტეტის სხდომაზე კონსტიტუციური კანონის პროექტებს-საქართველოს კონსტიტუციაში ცვლილების შეტანის შესახებ და „აჭარის ავტონომიური რესპუბლიკის შესახებ,  მესამე მოსმენის ფარგლებში განიხილავენ.

მომხსენებელი პარლამენტის სპიკერი, სახელმწიფო საკონსტიტუციო კომისიის თავმჯდომარე ირაკლი კობახიძეა. 

ირაკლი კობახიძე ტექსტში მოცემულ შესწორებებზე საუბრობს. მან განმარტა, რომ მესამე მოსმენით დოკუმენტში მხოლოდ რედაქციული ხასიათის შენიშვნის შეტანაა შესაძლებელი.

აქედან გამომდინარე, კობახიძის თქმით, ინიციატივის წესით პარლამენტში შეიტანენ ახალ პროექტს, რომლითაც გაუქმდება ე.წ. ბონუსის სისტემა და ერთჯერადად შენარჩუნდება 3%-იანი ბარიერის პირობებში, ბლოკები მომდევნო არჩევნებისთვის.

„გვქონდა კონსულტაციები ვენეციის კომისიასთან, ვენეციის კომისიას ჰქონდა გარკვეული მოსაზრებები, რომელიც არ იყო სარედაქციო ხასიათის და ჩვენ გამოვთქვით მზადყოფნა, რომ შესაბამისი შესწორებები შევიტანოთ უკვე წარმოდგენილ ცვლილებებში, ოღონდ ამას დასჭირდება ახალი პროცესი, დასჭირდება ახალი კონსტიტუციური კანონის ინიცირება. საქმე შეეხება ძირითად ორ საკითხს. ეს არის ბონუსის ამოღება ძირითადი ტექსტიდან და შეეხება ერთჯერადად საარჩევნო ბლოკების დატოვებას. ორივე არის არასარედაქციო შესწორება თავისი შინაარსით, აქედან გამომდინარე, ამისათვის დაგვჭირდება ახალი პროცესის ინიცირება და ახალი კონსტიტუციური კანონის წარდგენა საქართველოს პარლამენტში“,-აღნიშნა ირაკლი კობახიძემ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია