2017-09-21 13:47:12, 2206 ნახვა

---

საჩხერის სამედიცინო ცენტრის და შვედეთის წამყვანი კლინიკების ექიმებმა ბავშვებში სმენის პრობლემების გამოსავლენად უფასო აქვია დაიწყეს

საჩხერის სამედიცინო ცენტრში შვედი ექიმები ჯგუფი იმყოფება, რომელიც  დაკომპლექტებულია შვედეთის წამყვანი საუნივერსიტეტო კლინიკების კაროლინსკას და ორებროს უმაღლესი აკადემიური ხარისხის მქონე პროფესიონალებით, აუდიოლოგებით, სამედიცინო ტექნოლოგებით.

სტოკჰოლმის სმენადაქვეითებულთა ასოციაციის ინიციატივით, საჩხერის მუნიციპალიტეტში პრევენციის მიზნით დაიწყო კვლევა სმენადაქვეითებულ ბავშვთა გამოსავლენად. 
სტოკჰოლმიდან ჩამოსული სპეციალისტთა ჯგუფი მთლიანად მოიცავს საჩხერის მუნიციპალიტეტის I – III კლასის მოსწავლეებს და სმენის კვლევას ჩაატარებს. 

შვედი სპეციალისტები, საჩხერის სამედიცინო ცენტრის ექიმებთან ერთად,  3 კვირის განმავლობაში მთელი დატვირთვით იმუშავებენ. დღეში შესაძლებელი იქნება 120-150 ბავშვის კვლევა.
კვლევის შედეგად გამოვლენილი სმენადაქვეითებული ბავშვები უსასყიდლოდ მიიღებენ საუკეთესო ხარისხის ციფრულ სასმენი აპარატს (ინდივიდუალური ჩასართის დასამზადებელი თანხების ჩათვლით). 

გარდა ამისა, კვლევა ჩაუტარდებათ და გაეწევათ კონსულტაცია სმენადაქვეითებულ მაღალი კლასის სკოლის მოსწავლეებს და სკოლის პედაგოგებს. მათაც უსასყიდლოდ გადაეცემა სასმენი აპარატი და ინდივიადუალური  ჩასართების ხარჯებსაც ასოციაცია დაფარავს.

დამატებითი ინფორმაციისთვის დაუკავშირდით საჩხერის სამედიცინო ცენტრს, ტელეფონზე: 593 977 336

(NS)

---

ავტორი: ,

---

დღის თემა

მთავარი თემა

ინტერვიუ - ექსკლუზივი