2017-09-20 15:33:11, 2619 ნახვა
კომენტარი
ერდოღანი: სამხრეთ ოსეთისა და აფხაზეთის კონფლიქტების მოგვარებაზე უფრო მეტი უნდა ვიმუშაოთ
საქართველოსა და აზერბაიჯანის ტერიტორიული მთლიანობა სამხრეთ კავკასიაში რეგიონული სტაბილურობისათვის უმნიშვნელოვანესია, – ამის შესახებ თურქეთის პრეზიდენტმა რეჯეპ ტაიპ ერდოღანმა გაეროს 72-ე გენერალურ ასამბლეაზე სიტყვით გამოსვლისას განაცხადა.
მან კონფლიქტების მოგვარების აუცილებლობაზე ისაუბრა და აღნიშნა, რომ ამისთვის მეტი მუშაობაა საჭირო.
„უფრო მეტი უნდა ვიმუშაოთ მთიანი ყარაბაღის, სამხრეთ ოსეთისა და აფხაზეთის კონფლიქტების მოგვარებისთვის. არასდროს უნდა დავივიწყოთ, რომ ყოველ კრიზისს, რომელსაც დღეს იგნორირებას გავუკეთებთ, ხვალ რეგიონულ და გლობალურ კრიზისად ქცევის პოტენციალი ექნება ”, – განაცხადა თურქეთის პრეზიდენტმა.
![]()
ავტორი: ,
epn.ge (@expressnews.ge)
