„ნაციონალური მოძრაობის“ წევრმა ლელა ქებურიამ პარლამენტის დღევანდელ პლენარულ სხდომაზე „აზიური ფაროსანასგან“ დაზიანებული სიმინდი მიიტანა.

დეპუტატის თქმით, პრობლემის აღმოფხვრაში არამხოლოდ სოფლის მეურნეობის სამინისტრო, არამედ მთელი ქვეყანა უნდა იყოს ჩართული.

„მართლა უხერხულობას მიქმნის ის, რომ ყოველ ჯერზე პერფორმანსის დადგმა და ჩატარება მჭირდება, რომ თქვენი ყურადღება  ჩემი რეგიონის მთავარ პრობლემას მივაპყრო. ცინიზმია, ის განცხადება, რაც სეს-ის წარმომადგენელმა დღეს პრესკონფერნციაზე გააკეთა. რა წყევლა გაქვთ მართლა ასეთი, რომ ყველაფერს ამოტრიალებულად და უკუღმა ახორციელებთ.

დღეს როდესაც მავნებელი, პარაზიტი მეტასტაზივით მოედო მთელი სამეგრელოს სოფლებს და თქვენ მოსახლეობისთვის გაქვთ პასუხი ის, რომ თურმე შესაწამლ პრეპარატს დაურიგებთ.

მართლაც უპრიანი იქნებოდა ამ შესაწამლი პრეპარატის დარიგება საწყის ეტაპზე, მაგრამ დღეს როდესაც მთელი სახელმწიფო უნდა იყოს ჩართული ამ პრობლემის მოგვარებაზე. ახლა კი ვისმენთ მხოლოდ და მხოლოდ განცხადებებს იმის თაობაზე, რომ თურმე 40 ერთეული ტექნიკა მუშაობს, თურმე ავიაციაა ჩართული, ნუთუ ზუგდიდის რომელიმე სოფელში არ გამოჩნდა ეს ტექნიკა ან რა ტექნიკა გყავთ ან რა ავიაცია გყავთ ისეთი, რომ კაციშვილი ამას ვერ ხედავს. რა პასუხს აძლევთ  უკვე დაზარალებულ მოსახლეობას?“, -მიმართა ქებურიამ უმრავლესობას.

ავტორი: ,

სოციალური ქსელები

მოსკოვის სასამართლომ კენედების ოჯახის წევრს დაუსწრებლად პატიმრობა მიუსაჯა

კოლუმბიის პრეზიდენტი - მიწისძვრის შემდეგ 265 ადამიანი დაიღუპა და 3 494 დაშავდა, უგზო-უკვლოდ დაკარგულად ითვლება 496

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს