2017-09-19 10:45:14, 2494 ნახვა
სამართალი
შსს-მ იმერეთში ხე-ბუჩქნარის უკანონოდ გაჩეხვის 27 ფაქტი გამოავლინა
შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის და საპატრულო პოლიციის იმერეთის მთავარი სამმართველოს თანამშრომლებმა, ერთობლივად ჩატარებული ოპერატიულ-საგამოძიებო ღონისძიებების შედეგად, მიმდინარე წლის სექტემბრის პირველ ნახევარში, იმერეთში ხე-ბუჩქნარის უკანონოდ გაჩეხვის 27 ფაქტი გამოავლინეს.
უწყების ინფორმაციით, სამართალდამცველებმა, მხილებულების ავტომანქანებიდან, უკანონოდ მოპოვებული, სხვადასხვა ჯიშის ხის მორები და სამასალე ფიცრები ნივთმტკიცებად ამოიღეს.
გამოძიება ხე-ბუჩქნარის უკანონოდ გაჩეხვის ფაქტზე, საქართველოს სსკ-ს 303-ე მუხლის 1-ლი ნაწილით მიმდინარეობს.
![]()
ავტორი: ,
epn.ge (@expressnews.ge)
