ერგნეთში ინციდენტების პრევენციისა და მათზე რეაგირების მექანიზმის (IPRM) რიგით მე-80 შეხვედრა გაიმართა. 

როგორც „ექსპრესნიუსს“ სახელმწიფო უსაფრთხოების სამსახურიდან აცნობეს, საქართველოს ცენტრალური ხელისუფლების წარმომადგენლებმა მიმდინარე წლის 10 ივლისიდან 7 სექტემბრამდე პერიოდში დაფიქსირებული ყველა მნიშვნელოვანი ინციდენტი განიხილეს.

„განსაკუთრებული ყურადღება დაეთმო ცხინვალის ე.წ. ციხეში უკანონო „პატიმრობაში“ მყოფი გიორგი გიუნაშვილის, საქართველოს მოქალაქის, დავით ბაშარულის გარდაცვალების საქმის გამოძიების აუცილებლობის და დე ფაქტო ხელისუფლების მხრიდან ოკუპირებული ახალგორის მკვიდრის თამარ მეარაყიშვილის შევიწროების საკითხებს.

შეხვედრაზე ცენტრალური ხელისუფლების წარმომადგენლებმა ასევე ისაუბრეს საოკუპაციო ხაზის მიმდებარე ტერიტორიებზე ე.წ. ბორდერიზაციის უკანონო პროცესზე და მისგან გამოწვეულ ნეგატიურ შედეგებზე. საუბარი შეეხო ოკუპირებულ ცხინვალის რეგიონში დე ფაქტო ხელისუფლების წარმომადგენლების მიერ ბოლო დროს გაკეთებულ განცხადებებს თუ განხორციელებულ ქმედებებს, რომელიც მიზნად ისახავს ადგილობრივი სკოლის მოსწავლეებისთვის განათლების მშობლიურ ენაზე მიღების საშუალების შეზღუდვას“, - ნათქვამია სუს-ის ინფორმაციაში.

ინციდენტების პრევენციისა და მათზე რეაგირების მექანიზმის (IPRM) შემდეგი შეხვედრა 2017 წლის 3 ოქტომბერს გაიმართება.

ავტორი: ,

სოციალური ქსელები

აშშ-ის საზღვაო ძალებმა ირანის საზღვაო ბლოკადა დაასრულეს

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა