ე.წ. ციანიდის საქმის პროკურორი ზვიად გუბელაძე დარწმუნებულია, რომ მოსამართლე სწორ გადაწყვეტილებას მიიღებს და მამა გიორგი მამალაძეს დამნაშავედ სცნობს როგორც ანგარებით განზრახ მკვლელობის მომზადებაში, ასევე ცეცხლსასროლი იარაღისა და საბრძოლო მასალის მართლსაწინააღმდეგოდ შეძენა-შენახვაში.

მისივე თქმით, ბრალდებულის საბოლოო სიტყვაში მამა გიორგი მამალაძის მხრიდან კიდევ ერთი „მტკნარი სიცრუე“ მოისმინეს.

„ამტკიცებდა, თითქოს თეთრუაშვილთან ჰქონდა კარგი ურთიერთობა და მის მკვლელობას არ განიძრახავდა. თითქოს, დაკითხვისას მასზე ხორციელდებოდა ზეწოლა გამომძიებლების მხრიდან.  დაკითხვას ესწრებოდა სამი ადვოკატი და დაკითხვის ოქმზე შენიშვნა, რომ ზეწოლა იყო, არც ერთს დაუფიქსირებია. ასევე არსებობს დაკითხვის ამსახველი სრული აუდიო და ვიდეო ჩანაწერი, სადაც არანაირი ზეწოლა არ ფიქსირდება. დაცვის მხარე და ბრალდებული ცდილობენ თავი ყოველთვის წარმოაჩინონ მსხვერპლის როლში და ამიტომ ისინი არაერთ ტყუილს კადრულობენ“, - აღნიშნა გუბელაძემ.

შეგახსენებთ, ე.წ. ციანიდის საქმეზე დასკვნითი სასამართლო პროცესი დასრულდა. მოსამართლე სათათბიროდაა გასული. ჯერჯერობით უცნობია, როდის გამოაცხადებს მოსამართლე განაჩენს. ის მხარეებს აღნიშნულის თაობაზე თანაშემწის მეშვეობით შეატყობინებს.

ავტორი: ,

სოციალური ქსელები

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები

ირანის ბლოკადის აღდგენის შემდეგ თეირანთან დაკავშირებული დაკავებული სავაჭრო გემების რაოდენობამ 115-ს მიაღწია.

თბილისის 21-ე სკოლაში რამდენიმეკვირიანი სარეაბილიტაციო სამუშაოები ჩატარდება, რის შემდეგაც სწავლა იმავე შენობაში განახლდება

შსს - კახეთში 100 კგ-მდე კანაფი ამოიღეს, დაკავებულია 3 პირი