საქართველოს სახალხო დამცველი ახალი ამბების სააგენტო "ექსპრესნიუსზე" განხორციელებულ ჰაკერულ თავდასხმას გამოეხმაურა.

როგორც ომბუდსმენის მიერ გავრცელებულ განცხადებაშია  ნათქვამი, მნიშვნელოვანია, რომ მომხდართან დაკავშირებით დაწყებული გამოძიება დროულად და ეფექტურად წარიმართოს, ხოლო დამნაშავე პირებმა პასუხი კანონის წინაშე აგონ.

"გავრცელებული ინფორმაციით, 2017 წლის 19 აგვისტოს ჰაკერული შეტევა განხორციელდა ახალი ამბების სააგენტო „ექსპრესნიუსის“ ვებგვერდზე (www.epn.ge), რის შედეგადაც განადგურდა აღნიშნულ მედია–პლატფორმაზე თავმოყრილი ყველა მასალა. ამჟამად ვებგვერდის აღდგენის პროცესი მიმდინარეობს. ახალი ამბების სააგენტოს წარმომადგენლის ინფორმაციით, შინაგან საქმეთა სამინისტროში გამოძიება უკვე დაწყებულია.

მნიშვნელოვანია, რომ დაწყებული გამოძიება წარიმართოს დროულად და ეფექტურად, ხოლო დამნაშავე პირებმა პასუხი აგონ კანონის წინაშე. მედიასაშუალებებისა და ჟურნალისტებისთვის უნდა არსებობდეს გარემო, სადაც შეუფერხებლად მუშაობის საშუალება ექნებათ. მეორეს მხრივ, არ უნდა დაბრკოლდეს საზოგადოების ინტერესები, ასევე შეუფერხებლად მიიღოს ინფორმაცია. საქართველოს სახალხო დამცველი მიადევნებს თვალს გამოძიების მიმდინარეობას", - აღნიშნულია განცხადებაში. 

შეგახსენებთ, რომ 19 აგვისტოს ახალი ამბების სააგენტო "ექსპრესნიუსზე" ჰაკერული თავდასხმა განხორციელდა, რის შედეგად განადგურდა backup და ყველა ფაილი. ამ დროისთვის ვებ-გვერდმა მუშაობა განაახლა. აღდგენილია ყველა წაშლილი ფაილი და არქივი. მომხდართან დაკავშირებით რედაქციამ შინაგან საქმეთა სამინისტროში შესაბამისი განცხადება შეიტანა, რის საფუძველზეც მიმდინარეობს გამოძიება. 

ავტორი: ,

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა