GEM FEST-იდან საავადმყოფოში გადაყვანილი ახალგაზრდა ქალი გარდაიცვალა

2017-08-04 16:41:12, 2982 ნახვა

სამართალი

ანაკლიაში, GEM FEST-ზე მყოფი ახალგაზრდა ქალი შეუძლოდ გახდა.

იგი მწვავე ინტოქსიკაციით ზუგდიდის რეფერალურ საავადმყოფოში გადაიყვანეს, თუმცა ექიმებმა მისი გადარჩენა ვერ შეძლეს.

„გუშინ გოგონა იყო შემოყვანილი სუნთქვის და გულსისხლძარღვთა მწვავე უკმარისობით. პირველადი დიაგნოზი დაისვა უცნობი ნივთიერებებით ინტოქსიკაცია. ძალიან მალე უკვე განვითარდა სიცოცხლისთვის შეუთავსებელი პროცესები. სამწუხაროდ ამ გოგონას გადარჩენა ვერ მოხერხდა“, - განუცხადეს „ექსპრესნიუსს“ ზუგდიდის რეფერალური საავადმყოფოს პრესსამსახურში.

შსს-ს საზოგადოებასთან ურთიერთობის სამსახურის ინფორმაციით, მომხდარზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან