მაიკ პენსი: აღმოსავლეთ ევროპაში ჩვენი პარტნიორების გვერდით ვრჩებით თავისუფლების დასაცავად

2017-07-31 12:00:41, 2704 ნახვა

პოლიტიკა კომენტარი

„თქვენ ხართ ჩვენი მოკავშირეები აღმოსავლეთ ევროპაში. ჩვენ აღმოსავლეთ ევროპაში პარტნიორების გვერდით ვრჩებით თავისუფლების დასაცავად “,-ეს განცხადება საქართველოში ვიზიტამდე აშშ-ს ვიცე-პრეზიდენტმა მაიკ პენსმა ტელეკომპანია Fox News-ისთვის მიცემულ ინტერვიუში საქართველოსთან, ბალტიის ქვეყნებთან და მონტენეგროსთან დაკავშირებით გააკეთა.

მანვე რუსეთის მიმართ სანქციების ამოქმედების საკითხზეც ისაუბრა:

„შეერთებული შტატების გზავნილი ბალტიის ქვეყნებისთვის, საქართველოსა და მონტენეგროსთვის ერთნაირია, ჩვენ აღმოსავლეთ ევროპაში ჩვენი პარტნიორების გვერდით ვრჩებით თავისუფლების დასაცავად. პრეზიდენტმა ტრამპმა აღნიშნა, რომ რუსეთის აგრესია ზოგიერთი ქვეყნის მიმართ მიუღებელია, პრეზიდენტმა ასევე განმარტა, რომ ის ძალიან მალე მოაწერს ხელს სანქციებს“,-აღნიშნა მაიკ პენსმა.

საქართველოს პრემიერ-მინისტრ გიორგი კვირიკაშვილის მოწვევით, 31 ივლისსა და 1-ელ აგვისტოს, საქართველოს ამერიკის შეერთებული შტატების ვიცე-პრეზიდენტი მაიკ პენსი, მეუღლესთან ერთად ეწვევა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან