ლევან დავითაშვილი: პოლიტიკურად თუ შევხედავთ, სააკაშვილი გაკოტრებული ფიგურაა

2017-07-27 14:54:44, 2733 ნახვა

პოლიტიკა კომენტარი

სოფლის მეურნეობის მინისტრმა ლევან დავითაშვილმა მთავრობის სხდომის დასრულების შემდეგ ყოფილი პრეზიდენტის მიხეილ სააკაშვილისთვის უკრაინის მოქალაქეობის ჩამორთმევის საკითხზე ისაუბრა.

„რაც შეეხება მისი გადმოცემის საკითხს, რამდენადაც ჩემთვის ცნობილია, ეს საკითხი ქართულ მხარეს ჯერ კიდევ 2014 წელს აქვს დასმული, შემდგომში კი 2015 წელს დამატებითი ინფორმაციაა წარდგენილი. დანარჩენზე კი უკრაინის სამართალდამცავებმა უნდა მიიღონ გადაწყვეტილება. რაც შეეხება მოქალაქეობის საკითხს, ამასაც კანონი განსაზღვრავს და იურიდიული ნორმების შესაბამისად იქნება“, - განაცხადა ლევან დავითაშვილმა.

როგორც ცნობილია, საქართველოს ექს პრეზიდენტ მიხეილ სააკაშვილისთვის უკრაინის მოქალაქეობა ჩამორთმეულია უკრაინის პრეზიდენტის ბრძანებით, მოქალაქეობის მიღების პროცედურის დროს არასწორი ინფორმაციის მიწოდების მოტივით.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან