ფინანსთა მინისტრმა ნოდარ ხადურმა თბილისის მეოთხე ეკონომიკურ კონფერენციაში მიიღო მონაწილეობა.
კონფერენციის თემა „საქართველოს საინვესტიციო კლიმატი და მდგრადი განვითარება“ იყო. ღონისძიება საქართველოს ეკონომისტთა ასოციაციის, საქართველოს ბიზნეს პალატისა და თავისუფალი ეკონომიკის ინსტიტუტის FEBI-ის ორგანიზებით გაიმართა.
კონფერენციაზე ეკონომიკური ზრდის ტემპების დაჩქარების გზები და საინვესტიციო კლიმატის გაჯანსაღების საკითხები განიხილეს. ასევე, იმსჯელეს ეროვნული ვალუტის კურსზე, ქვეყნის ფინანსურ სტაბილურობაზე და ენერგეტიკის სფეროში არსებულ პრობლემებზე.
ფინანსთა მინისტრმა ნოდარ ხადურმა კონფერენციის მნიშვნელობას ხაზი გაუსვა და ქვეყანაში არსებულ საინვესტიციო გარემოზე ისაუბრა:
„ასეთი სახის ღონისძიებების გამართვა ქვეყნის ეკონომიკის შემდგომი განვითარებისთვის მნიშვნელოვანია. სპეციალისტები, ეკონომისტები, ბიზნესთან ახლოს მდგომი ადამიანები, ბიზნესმენები ერთად მსჯელობენ სხვადასხვა საკითხებზე და შეიმუშავებენ წინადადებებს, რომელსაც ხელისუფლება შემდეგ დიდი ყურადღებით ეცნობა“, - განაცხადა ნოდარ ხადურმა.
კონფერენციას ასევე ესწრებოდნენ თბილისის მერი დავით ნარმანია, პარლამენტის წევრები, ექსპერტები, მთავრობის, დიპლომატიური კორპუსისა და არასამთავრობო ორგანიზაციების წარმომადგენლები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ