იურიდიულ საკითხთა და თვითმმართველობის საპარლამენტო კომიტეტებმა ადგილობრივი თვითმმართველობისა და "საარჩევნო კოდექსის" შესახებ პრეზიდენტის მოტივირებული შენიშვნები არ გაიზიარა.

კომიტეტის სხდომაზე პრეზიდენტის მოტივირებული შენიშვნები საპარლამენტო მდივანმა ანა დოლიძემ წარადგინა და დეპუტატების შეკითხვებს უპასუხა.

საპარლამენტო უმრავლესობის დეპუტატები მიიჩნევენ, რომ პრეზიდენტის პოზიციას არგუმენტაცია აკლდა და არ ეთანხმებიან პრეზიდენტს, რომ პარლამენტის მიერ მიღებული კანონები ქვეყანაში დემოკრატიის ხარისხს გააუარესებს.

კომიტეტების დასრულების შემდეგ ანა დოლიძემ კენჭისყრის შედეგები შეაფასა და განაცხადა, რომ კომიტეტებმა ხელიდან გაუშვეს შესაძლებლობა ამ საკითხზე კიდევ ერთხელ დაფიქრებულიყვნენ იმ შესაძლო, ნეგატიურ შედეგებზე, რომლებიც ამ ცვლილებებს მოჰყვება.

 "ეს არის ხელიდან გაშვებული შესაძლებლობა შევაჩეროთ ის უარყოფითი ცვლილებები, რომელიც პარლამენტმა მიიღო. ვეტოს არგუმენტებზე შინაარსობრივი მსჯელობის მაგივრად, ვისაუბრეთ იმაზე, თუ რატომ იყენებს პრეზიდენტი ვეტოს უფლებას.  შესაბამისად, დისკუსია არ გაიმართა იმ ხარისხით, რა ხარისხითაც ჩვენ მოველოდით, რაც არის ხელიდან გაშვებული შესაძლებლობა, პარლამენტი უნდა იყოს ის ადგილი, სადაც უნდა იყოს პოლიტიკური დისკუსიის მთავარი ასპარეზი", - აღნიშნა ანა დოლიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა