2017-07-19 12:01:41, 2699 ნახვა
პოლიტიკა
პეტრო პოროშენკო და გიორგი მარგველაშვილი საოკუპაციო ხაზთან არსებულ ვითარებას გაეცნენ
საქართველოს პრეზიდენტი გიორგი მარგველაშვილი და უკრაინის პრეზიდენტი პეტრო პოროშენკო სოფელ ხურვალეთში, საოკუპაციო ხაზთან იმყოფებოდნენ.
უკრაინის პრეზიდენტს ადგილზე არსებული ვითარება გააცნეს.
როგორც პოროშენკომ აღნიშნა, საოკუპაციო ხაზთან არსებული მდგომარეობა რუსეთის რეალურ სახეს ნათლად აღწერს. მისივე თქმით, უკრაინამ და საქართველომ ყველაფერი უნდა გააკეთოს, რომ ოკუპაცია შეჩერდეს.
ადგილზე კომენტარი გიორგი მარგველაშვილმაც გააკეთა. როგორც მან აღნიშნა, რუსული ოკუპაციის წინააღმდეგ საქართველომ და უკრაინამ ერთობლივად უნდა იბრძოლონ.
პრეზიდენტები დღეს სოფელ ოძისშიც იმყოფებოდნენ, საიდანაც მიმდებარედ არსებული რუსული სამხედრო ბაზა დაათვალიერეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
