ახალგაზრდა იურისტთა ასოციაციის თავმჯდომარის ანა ნაცვლიშვილის განცხადებით, 2016 წლის საპარლამენტო არჩევნების დროს გარკვეული სახის ხარვეზები გამოვლინდა, მათ შორის საკანონმდებლო კუთხით.

ნაცვლიშვილის განმარტებით, აღნიშნული ხარვეზები თვითმმართველობის არჩევნებისთვის აუცილებლად უნდა გამოსწორდეს.

„ხელისუფლებამ უნდა უზრუნველყოს 2017 წლის თვითმმართველობის არჩევნების მშვიდ, არაძალადობრივ და თანასწორუფლებიან გარემოში ჩატარება. წინა არჩევნების დროს დაფიქსირდა არაერთი ძალადობრივი ფაქტი, რაზეც, სამწუხაროდ, რეაგირება დღემდე არ მომხდარა. ასეთი ქმედებების დაუსჯელობა, ბუნებრივია, რისკებს აჩენს, რომ მსგავსი ქმედებები მომდევნო არჩევნების დროსაც განმეორდეს“, - აღნიშნა ნაცვლიშვილმა.

ცნობისთვის, საია კონფერენციას თემაზე: „2016 წლის საპარლამენტო არჩევნებზე მიღებული გამოცდილება და სამომავლო ნაბიჯები 2017 წლის ადგილობრივი თვითმმართველობის არჩევნებისთვის“ მართავს. 

კონფერენციაზე ორგანიზაციამ 5 ძირითადი რეკომენდაცია წარადგინა, რაც 2016 წლის საპარლამენტო არჩევნების გათვალისწინებით მომდევნო არჩევნებისთვის უნდა შეიცვალოს: წინასაარჩევნო, არჩევნების დღის და შემდგომი პერიოდის დარღვევების დროული გამოძიება; არჩევნებში ჩართული უწყებების კარგი საქმიანობა; ობიექტური, სამართლიანი, დამოუკიდებელი და ეფექტური გამოძიების ხელშეწყობა სისხლის სამართლისა და ადმინისტრაციული პასუხისმგებლობის ზომების გამოყენებისას პოლიტიკურად აქტიური პირების მიმართ; სამართლიანი სასამართლოს ხელმისაწვდომობისა და ერთგბაროვანი პრაქტიკის დამკვიდრების ხელშეწყობა;ინკლუზიური და კონკურენტული საარჩევნო გარემოს ხელშეწყობა ქალების, შშმ პირებისა და ეთნიკური უმცირესობის წარმომადგენლებისთვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება