მთავარი პროკურორი გიორგი ბადაშვილი „პატრიოტთა ალიანსის“ გენერალურ მდივანს ირმა ინაშვილს და ამავე პარტიის წევრ ერეკლე საღლიანს ხვდება.

„ექსპრესნიუსის“ კორესპონდენტის ინფორმაციით, რამდენიმე წუთის წინ, ირმა ინაშვილმა პროკურატურაში პროკურორთან, ან მის მოადგილეებთან შეხვედრის მოთხოვნით მიმართვა შეიტანა.

მთავარმა პროკურორმა, გიორგი ბადაშვილმა, ირმა ინაშვილი უწყებაში მიიღო.

ჯერჯერობით უცნობია, თუ რა ინფორმაციას მიიღებს ინაშვილი მთავარი პროკურორისგან.

„ინფორმაცია იმის თაობაზე, რომ  საქართველოს მუზეუმებსა და საცავებში, უმძიმესი ვითარებაა შექმნილი, ჩვენს მიერ ჩატარებული ჟურნალისტური გამოძიებიდან შევიტყვეთ.  ვეყრდნობით არაერთ აღნიშნულ გამოძიებას და გვაქვს ინფორმაცია, რომ არაერთი უნიკალური ნაშრომი  საცავებიდან ქრება. აბსოლუტურად დაუცველია ეროვნული საგანძური. ჩვენ ერთხელ უკვე მივმართეთ მთავარ პროკურატურას ეროვნულ მუზეუმში შექმნილ ვითარებაზე და ვიცით, რომ გამოძიება დაწყებულია, მაგრამ ის აღარ გაგრძელებულა. ჩვენ აქ სწორედ ამიტომ შევიკრიბეთ, რომ გავიგოთ, თუ რა ეტაპზეა გამოძიება. გვინდა,  შევხვდეთ მთავარ პროკურორს, ან მის რომელიმე მოადგილეს, რათა ის მასალები გადავცეთ, რომელიც ჟურნალისტური გამოძიებიდან მოვიპოვეთ. ჩვენ ვიცით, რომ ბევრი ნივთია გამქრალი და ამ ყველაფრის შემდეგ, დავით ლორთქიფანიძის პასუხისმგებლობას ვაყენებთ, რადგან,  მუზეუმებში შექმნილ ვითარებაზე,  სწორედ ისაა პასუხისმგებელი“, - განაცხადა ირმა ინაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები