დავით უსუფაშვილი დღეს ცენტრისტული მიმართულების ახალი პოლიტიკური ძალის პრეზენტაციას გამართავს

2017-06-16 09:12:07, 2180 ნახვა

პოლიტიკა

პარლამენტის ყოფილი თავმჯდომარე დავით უსუფაშვილი დღეს ცენტრისტული მიმართულების ახალი პოლიტიკური ძალის პრეზენტაციას გამართავს.

როგორც ცნობილია, პარლამენტის ყოფილი სპიკერის ცენტრისტული მიმართულების ახალ პოლიტიკურ ძალას „ეროვნული ფორუმის“ წარმომადგენლები უერთდებიან.

ეროვნული ფორუმის ყოფილი წევრის სოსო ვახტანგაშვილის განცხადებით, „ეროვნული ფორუმის“ წევრს შეუძლია, როგორც პარტიაში იყოს, ასევე ამა თუ იმ მოძრაობას შეუერთდეს.

„ეროვნული ფორუმის“ შემადგენლობიდან უსუფაშვილის მოძრაობაში წარმოდგენილნი იქნებიან - კახა შარტავა, სოსო ვახტანგიშვილი, რეზო შავიშვილი და ანი მიროტაძე.

ასევე, როგორც ცნობილია, უსუფაშვილის პოლიტიკურ გუნდში მოჭადრაკე ნინო გურიელიც იქნება.

გარდა ამისა, ახალ პოლიტიკურ ძალას თბილისის მერობის კანდიდატიც ეყოლება, რომელსაც ივლისში დაასახელებს.

ინფორმაციას „საზოგადოებრივი“ ავრცელებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან