წულუკიანი: მუხტარლის საქმის გამოძიებას წინ ვერფერი დაუდგება, მთავარია, ორ ქვეყანას შორის თანამშრომლობა შედგეს

2017-06-15 20:34:38, 2057 ნახვა

პოლიტიკა

იუსტიციის მინისტრის, თეა წულუკიანის განცხადებით, ევროპარლამენტის მიერ მიღებული რეზოლუციის ის ნაწილი, რომელიც აფგან მუხტარლის საქმეზე გამოძიებას ეხება, საქართველოს მთავრობის პოზიციას ემთხვევა.

წულუკიანის თქმით, საქართველოს მთავრობის პოზიცია, რომელიც როგორც პრემიერ-მინისტრმა, ასევე მთავრობის ყველა წარმომადგენელმა დააფიქსირა, არის ის, რომ გამოძიება მიმდინარეობს სწრაფი ტემპით და ამ საქმეზე უკვე დაკითხულია რამდენიმე ასეული მოწმე.

მინისტრის განცხადებით, საქართველოს მთავრობამ მიმართა აზერბაიჯანის შესაბამის ორგანოებს, რომ აფგან მუხთარლი დაიკითხოს.

"გამოძიებას წინ ვერაფერი დაუდგება, ის ჩატარდება, მთავარია, თანამშრომლობა შედგეს ორ ქვეყანას შორის რათა გამოძიება ჩაითვალოს ეფექტურად", - აღნიშნა მინისტრმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან