„სახელმწიფოს მხრიდან სისტემურ დანაშაულთან გვაქვს საქმე, როდესაც „ქართული ოცნება“ მთელ სამართლებრივ სისტემას, სასამართლოს პოლიტიკური მიზნებისთვის იყენებს  და პირადი სიმპათიებისთვის იყენებს, ეს არ არის ახალი“,-ამის შესახებ "ევროპული საქართველოს" წევრმა ელენე ხოშტარიამ "ბირჟა მაფიას" საქმესთან დაკავშირებით განაცხადა. 

როგორც ხოშტარიამ აღნიშნა, სასამართლო სისტემა ემსახურება არა სამართლას, არამედ პოლიტიკურ ჯგუფს.

,,ჩვენ გვახსოვს, როდესაც ფეხბურთის ფედერაციის არჩევნებზე კალაძეს დასჭირდა ნარკოტიკის ჩადება იმიტომ, რომ გაეყვანა მისთვის სასურველი ადამიანი. ჩვენ გვახსოვს არაერთი შემთხვევა, როდესაც მთელი სასამართლო სისტემა და კანონი ემსახურება არა სამართალს, არამედ პოლიტიკურ ჯგუფს. დღეს კიდევ უფრო მძიმე შემთხვევა გვაქვს, როდესაც წესიერი, კეთილსინდისიერი მოქალაქე ისჯება აზრის გამოხატვისთვის იმიტომ, რომ ვიღაცას რაღაც არ მოეწონა. ყველა ის უპასუხისმგებლო და ფარისევლური განცხადება, რომელიც ჩვენ მოვისმინეთ პრემიერ მინისტრისგან, ვიცე-პრემიერისგან, ბერასგან ეს არის მცდელობა, რომ კი არ მოგვარდეს პრობლემა, არამედ ისპეკულირონ ამ სიტუაციით. აქ მხოლოდ ნარკოპოლიტიკის ცვლილება არ არის საკმარისი რა თქმა უნდა ეს აუცილებელია და ხუთი წელია, რაც ხელისუფლებაში არიან და შეეძლოთ ეს აქამდე გაეკეთებინათ.აქ ყველაზე მთავარი არის ის, რომ მთლიანად ფუნდამენტურად შეიცვალოს დანაშაულებრივი სისტემა, რომელიც ემსახურება პოლიტიკურ გუნდს. უპირველესი ამოცანა რა თქმა უნდა არის ამ ადამიანების ციხიდან გამოყვანა. გამოსვლა არ არის საქმის დამთავრება. მათ უნდა მოეხსნათ ყველანაირი აბსურდული ბრალდებები და სამაგალითოდ დაისაჯოს ის დამკვეთი, რომელმაც გადაწყვიტა, რომ ჩვენ ქვეყანაში განსხვავებული აზრის გამო ასე დასაჯოს წესიერი მოქალაქე. თუ არ დაესმება წერტილი ამ სისტემას, ჩვენ გვექნება კიდევ უფრო მძიმე შემთხვევები ადამიანის უფლებების გათელვის,’’ - განაცხადა ელენე ხოშტარიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ და ირანმა ომის დასრულების შესახებ შეთანხმებას მოაწერეს ხელი

ტრამპმა შეაქო უკრაინის შეიარაღებული ძალების სამხედრო ტექნიკა და თქვა, რომ ისინი „საკმაოდ კარგად უძლებენ“

უკრაინამ სამი დღის განმავლობაში მეორედ დაარტყა მოსკოვის ნავთობგადამამუშავებელ ქარხანას

ტრამპი აცხადებს, რომ თუ ირანთან შეთანხმებას 60 დღეში ვერ მიაღწევენ, აშშ დაბომბვას დაუბრუნდება