ტრამპი: რუსეთისთვის ინფორმაციის გაზიარების აბსოლუტური უფლება მაქვს

2017-05-16 15:44:43, 2014 ნახვა

პოლიტიკა

დონალდ ტრამპი ამერიკული მედიის მიერ გავრცელებულ ინფორმაციას Twitter-ზე ეხმაურება.

აშშ–ის პრეზიდენტის განცხადებით, მას ტერორიზმთან დაკავშირებული ინფორმაციის გაცემის სრული უფლება ჰქონდა. გარდა ამისა, ტრამპი მიესალმება რუსეთის წარმატებას ტერორიზმის წინააღმდეგ ბრძოლაში.

"როგორც პრეზიდენტს, თეთრ სახლში შეხვედრაზე, მინდოდა ინფორმაცია, რომელიც ტერორიზმსა და ფრენების უსაფრთხოებას ეხება, რუსეთისთვის გამეზიარებინა, მე ამის აბსოლუტური უფლება მაქვს. ასევე, მინდა, რომ რუსეთმა დიდი ნაბიჯი გადადგას ისლამური სახელმწიფოსა და ტერორიზმის წინააღმდეგ ბრძოლაში", - წერს დონალდ ტრამპი.

შეგახსენებთ, რომ ამერიკის შეერთებული შტატების პრეზიდენტმა, რუსეთის საგარეო საქმეთა მინისტრ სერგეი ლავროვთან შეხვედრის დროს მკაცრად გასაიდუმლოებული სადაზვერვო ინფორმაცია გაამჟღავნა, რამაც უმნიშვნელოვანესი წყარო საფრთხის ქვეშ დააყენა.

აშშ-ის ცენტრალური დაზვერვისა (CIA) და ეროვნული უსაფრთხოების სააგენტოები (NSA) საკითხზე ამ დრომდე კომენტარს არ აკეთებენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან