2018 წელს საქართველოში ევროპული სკოლა გაიხსნება, - ამის შესახებ საქართველოს მთავრობის ადმინისტრაციაში საქართველოს პრემიერმინისტრმა გიორგი კვირიკაშვილმა და ევროპული სამეზობლო პოლიტიკისა და გაწევრიანების თაობაზე მოლაპარაკების საკითხებში ევროკომისარმა იოჰანეს ჰანმა ისაუბრეს.

„ჩვენ ევროპული სკოლისთვის საფუძვლის ჩასაყრელად ვართ მზად. ეს არის ძალიან სერიოზული, გამოკვეთილი პრიორიტეტი ევროპული კომისიისთვის და საქართველოს მთავრობისთვის. ევროპული სკოლის რეალიზაციის იდეა მიმართულია იმისკენ, რომ მულტი, ლინგვისტური პროგრამები შესთავაზოს საქართველოს, რადგან ევროპაში მრავალენოვანი გარემოს არსებობს და ევროპაში წარმატებისთვის რამდენიმე ენის ფლობა საჭიროა.  ევროპაში მულტიკულტურული, მრავალწახნაგოვანი ისტორია არსებობს და ძალიან მნიშვნელოვანია ამის მიწოდება“, - აღნიშნა იოჰანეს ჰანმა.

მისი თქმით, საქართველოში ევროპული სკოლა საპილოტე პროექტია.

„ჩვენ ამ სკოლისთვის შევარჩიეთ საქართველო და მოხარული ვარ, რომ საქართველოს ხელისუფლების მხრიდან ასეთი ძლიერი მხარდაჭერა მოიპოვა. ეს გულისხმობს საქართველოსა და ევროპას შორის ურთიერთობის შემდგომ გამყარებას და თუ აღნიშნული პროექტი წარმატებულად განხორციელდა, ჩვენ მოვახდენთ მის ტირაჟირებას, როგორც ევროპის, ასევე სხვა ქვეყნებშიც. აღნიშნული ინიციატივა როგორც საქართველოს, ასევე მეზობელი ქვეყნების ახალგაზრდებს მისცემს საშუალებას დახვეწონ თავიანთი ცოდნა, და შემდეგ ეს იქნება გზა ევროპული უნივერსიტეტებისკენ“, - განაცხადა იოჰანეს ჰანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში მომიტინგეებმა უსაფრთხოების ძალებს მოლოტოვის კოქტეილები ესროლეს - დაიჭრენ პოლიციელები - ვიდეო

გერმანიაში ახალგაზრდების მასობრივ საპროტესტო აქციებს არეულობა და ძარცვა მოჰყვა

The Economist - რუსეთმა უკრაინაში შესაძლოა 770 000 ადამიანი დაკარგა

ტრამპი: აშშ-ს ირანში კიდევ ერთი ან ორი სამიზნე აქვს გასანადგურებელი