პარლამენტის ვიცე-სპიკერის თამარ ჩუგოშვილის განცხადებით, საკონსტიტუციო კომისიის მიერ შემოთავაზებულ ცვლილებებს, არასამთავრობო ორგანიზაციების გარდა, კომისიის ყველა წევრი დაეთანხმა.

როგორც ჩუგოშვილმა აღნიშნა, მნიშვნელოვანია, რომ არცერთი წევრი არ დაეთანხმა მოქმედი კონსტიტუციის დატოვებას, „საერთაშორისო გამჭვირვალობის“ ჩათვლით.

მისივე თქმით, მოქმედი კონსტიტუციის  დატოვებას არავინ ემხრობა, რაც იმას ნიშნავს, რომ შემოთავაზებული ცვლილებები არის ძალიან მნიშვნელოვანი წინ გადადგმული ნაბიჯი.

„ჩვენ წინ გველოდება სამუშაო პროცესი, როგორც საერთო სახალხო განხილვების ფორმით, ასევე საპარლამენტო მუშაობაში. როგორც კომიტეტზე, ასევე პლენარულ სესიაზე სამი მოსმენით არის გასატანი ეს ცვლილებები და ამ პროცესში მე არ გამოვრიცხავ, რომ გარკვეული ცვლილებები აისახოს. შეიძლება ითქვას, რომ ჯერ საბოლოო პროდუქტი არ გვაქვს. საბოლოო პროდუქტი იქნება ის, რასაც სამი მოსმენით ეყრება კენჭი“, - აღნიშნა ჩუგოშვილმა.

ვიცე-სპიკერმა პრეზიდენტის არჩევის წესზეც გააკეთა კომენტარი. როგორც ჩუგოშვილმა განმარტა, შემოთავაზებული ვერსია ამბობს, რომ ცვლილებები ამოქმედდეს 2018 წელს, ახლად არჩეული პრეზიდენტის ფიცის დადების მომენტიდან, რაც ნიშნავს იმას, რომ პირდაპირი წესით ჩატარდება პრეზიდენტის არჩევნები და ცვლილებები მხოლოს ამის შემდეგ შევა ძალაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა