„ლეიბორისტული პარტია“ მმართველ გუნდს ბოიკოტს უცხადებს და საკონსტიტუციო კომისიის ფარგლებში მიღებული გადაწყვეტილებების კენჭისყრაში მონაწილეობას არ აპირებს.

როგორც პარტიის წევრმა, გიორგი გუგავა ჟურნალისტებს განუცხადა, „ქართული ოცნება “ ხალხის დაკვეთას არ ასრულებს.

„დღეს მოვედი, რათა ხელისუფლების წარმომადგენლებს უშუალოდ განვუცხადო ჩემი პროტესტი.  ხალხს სოციალურ გარანტიებს ართმევენ, ასევე ართმევენ განათლების, ჯანდაცვის, დასაქმების უფლებას, აკანონებენ უცხოელებზე მიწების გასხვისებას.  ბოიკოტს ვუცხადებ მათ და კენჭისყრაში მონაწილეობას არ მივიღებ. დავესწრები სხდომას და ჩემი ბოიკოტის შესახებ პირადად განვუცხადებ, რის შემდეგაც სხდომას დავტოვებ. ხელისუფლება ასრულებს არა ქართველი ხალხის დაკვეთას, არამედ ივანიშვილის დავალებას, მის ნებას, რათა ქვეყანაში მრავალი წელი დაამყაროს დიქტატურა და ავტოკრატიული მმართველობა”, – განაცხადა გიორგი გუგავამ.

ცნობისთვის, სასტუმრო „ჰოლიდეი ინნ”-ში საკონსტიტუციო კომისიის შემჯამებელი სხდომა რამდენიმე წუთში დაიწყება.

შეგახსენებთ, საკონსტიტუციო კომისია ნიშნად “ნაციონალურმა მოძრაობამ “, “დემოკრატიულმა მოძრაობამ”, “თავისუფალმა დემოკრატებმა” და “ევროპულმა საქართველომ” პროტესტის დატოვეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა