საკონსტიტუციო კომისიის გადაწყვეტილებების გამო, შესაძლოა, ფრაქცია „საქართველოს პატრიოტების“ წევრებმა პროტესტის უკიდურეს ფორმას მიმართონ და შიმშილობა დაიწყონ. ამის შესახებ ფრაქციის წევრმა ადა მარშანიამ და ფრაქციის თავმჯდომარემ, გიორგი ლომიამ განაცხადეს.

„პროტესტის ყველანაირ ფორმას მივმართავთ იმისათვის, რომ საქართველოს  ჰქონდეს საქართველოს სახელმწიფოს კონსტიტუცია და არა „ქართული ოცნების“ კონსტიტუცია. მათ შორის  მივმართავთ შიმშილობასაც“,-განმარტა ადა მარშანიამ.

მათი თქმით, ფრაქციის მიზანი, საკონსტიტუციო კომისიის დატოვება არაა, თუმცა, მმართველი გუნდის გადაწყვეტილებები მათ იძულებულს ხდის, კომისიის მუშაობაში მონაწილეობა აღარ მიიღონ.

„თუ ოპოზიცია დატოვებს კომისიას, ჩვენ შევუერთდებით ოპოზიციას. მივმართავთ უკიდურეს ფორმას იმიტომ, რომ სხვანაირად შედეგს ვერ ვაღწევთ“,-აღნიშნა გიორგი ლომიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა