პარლამენტის პლენარულ სხდომაზე, სადაც სახელწმიფო უსაფრთხოების სამსახურის ხელმძღვანელის 2016 წლის ანგარიშის მოსმენა მიმდინარეობდა, დეპუტატები ერთმანეთს ფიზიკურად დაუპირისპირდნენ.

დაპირისპირება პროცედურულ საკითხებთან დაკავშირებით ფრაქცია „საქართველოს პატრიოტების“ წევრის  ემზარ კვიციანის განცხადებას მოჰყვა. კერძოდ, ოპოზიცია ითხოვდა, ფრაქციების მოხსენებები და გამოსვლები ღია ყოფილიყო. ემზარ კვიციანმა საპასუხოდ აღნიშნა, რომ „ როდესაც უცხო ქვეყნის რეზიდენტი გიგა ბოკერია ზის დარბაზში, მნიშვნელობა არ  აქვს, სხდომა დახურული იქნება თუ ღია“.

კვიციანის განცხადებას ბოკერიას მხრიდან ღიმილი მოჰყვა, რამაც დეპუტატის გაღიზიანება გამოიწვია.

მცდელობის მიუხედავად, მანდატურის თანამშრომლებმა დეპუტატებს   ერთმანეთთან მისვლის საშუალება არ მისცეს, თუმცა კვიციანმა „ევროპული საქართველოს“ წევრებს წყალი შეასხა, შემდეგ კი, ბოკერიას ჭიქა ესროლა.

პარლამენტის თავმჯდომარემ ტექნიკური შესვენება გამოაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა