სასტუმროში „რედისონ ბლუ ივერია“ ნატო-საქართველოს სახალხო დიპლომატიის ფორუმმა მუშაობა დაიწყო.

ფორუმი საქართველოს პრემიერ-მინისტრმა გიორგი კვირიკაშვილმა, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ და სახალხო დიპლომატიის საკითხებში ნატოს გენერალური მდივნის თანაშემწე ტაკან ილდემიმ გახსნეს. 2017 წლის ნატოს დღეები სწორედ ნატო-საქართველოს სახალხო დიპლომატიის ორდღიანი ფორუმით დასრულდება.

ნატო-საქართველოს სახალხო დიპლომატიის ფორუმი სახალხო დიპლომატიასა და კომუნიკაციებზე მსჯელობის მნიშვნელოვან პლატფორმას წარმოადგენს. ფორუმში მონაწილეობენ აღმასრულებელი და საკანონმდებლო ხელისუფლების, სახალხო დიპლომატიასა და კომუნიკაციების საკითხებზე მომუშავე სამთავრობო სტრუქტურებისა და ნატოს შტაბ-ბინის წარმომადგენლები და მოწვეული ექსპერტები. კონფერენციაზე განიხილება ისეთი მნიშვნელოვანი თემები, როგორებიცაა: საერთაშორისო უსაფრთხოებასთან დაკავშირებული გამოწვევები, გააქტიურებული ჰიბრიდული ომის პირობებში სახალხო დიპლომატიისა და სტრატეგიული კომუნიკაციის როლი, რეგიონში პროპაგანდასთან ბრძოლის მეთოდები და გამოწვევები, ტრადიციული და სოციალური მედიის მნიშვნელობა თანამედროვე სახალხო დიპლომატიაში.

„ეს არის ძალიან მნიშვნელოვანი შეხვედრა,  ნატო-ს სახალხო დიპლომატიის  ფორუმი უკვე მეორედ ტარდება საქართველოში და ეს თავისთავად  მეტყველებს ჩვენი ურთიერთობების ინტენსივობაზე და თვისობრივად  გაუმჯობესებულ, გაძლიერებულ თანამშრომლობაზე. ესაა ფორმატი, სადაც  ვისაუბრებთ როგორც სტრატეგიული კომუნიკაციების მნიშვნელობაზე, ასევე ჰიბრიდული  ომის  პირობებზე, ჩვენს მიერ გაკეთებულ საპასუხო მოქმედებებზე. ეს ძალიან მნიშვნელოვანი ფაქტორია“,-განუცხადა  ჟურნალისტებს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ.

ფორუმი 11 აპრილს დაიხურება. ნატოს დღეები საქართველოში წელს მეათედ სსიპ "ნატოსა და ევროკავშირის შესახებ საინფორმაციო ცენტრის" ორგანიზებით, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატთან კოორდინაციით, საქართველოში ნატოს სამეკავშირეო ოფისისა და საქართველოში ბულგარეთის რესპუბლიკის საელჩოს (ნატოს საკონტაქტო საელჩო) მხარდაჭერით იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა