2017-04-03 09:44:06, 2110 ნახვა
პოლიტიკა
საკრებულოში დღეს ნატოს დღეების 10 წლის იუბილესადმი მიძღვნილი ოფიციალური მიღება გაიმართება
თბილისის მუნიციპალიტეტის საკრებულოში, დღეს, 19:00 საათზე, ნატოს დღეების 10 წლის იუბილესადმი მიძღვნილი ოფიციალური მიღება გაიმართება.
ღონისძიებაზე სიტყვით გამოვლენ საქართველოს პრეზიდენტი გიორგი მარგველაშვილი, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე, საგარეო საქმეთა მინისტრი მიხეილ ჯანელიძე, ნატოს სამეკავშირეო ოფისის ხელმძღვანელი უილიამ ლაჰიუ და ნატოსა და ევროკავშირის შესახებ საინფორმაციო ცენტრის დირექტორი ნინო ბოლქვაძე.
ღონისძიებას დაესწრებიან სამთავრობო და არასამთავრობო ორგანიზაციების, ასევე, დიპლომატიური კორპუსის წარმომადგენლები.
შეგახსენებთ, ნატოს დღეები საქართველოში წელს მეათედ იმართება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
