„სიმბოლურია, რომ სენატში საქართველოს მხარდამჭერი რეზოლუციის ინიცირება, ქვეყნის დამოუკიდებლობის რეფერენდუმის დღეს დაემთხვა“, - ამის შესახებ საქართველოს საგარეო საქმეთა მინისტრმა მიხეილ ჯანელიძემ განაცხადა. 

როგორც ჯანელიძემ აღნიშნა, ეს არის ამერიკის შეერთებულ შტატებთან საქართველოს მთავრობის ძალიან აქტიური მუშაობის შედეგი.

,,ძალიან სიმბოლურია, რომ დღეს როდესაც ჩვენ აღვნიშნავთ საქართველოს დამოუკიდებლობის რეფერენდუმის დღეს, მოხდა რეზოლუციის ინიცირება სენატში. სენატმა, წარმომადგენლობითმა პალატამ, ასევე სექტემბერში მიიღო საქართველოს ტერიტორიული მთლიანობის და სუვერენიტეტის მხარდამჭერი რეზოლუცია, რომელიც ასევე ორპარტიული იყო“, - განმარტავს ჯანელიძე. 

მინისტრი დარწმუნებულია, რომ სენატის მხრიდან მხარდაჭერას ეს ორპარტიული რეზოლუციაც მოიპოვებს.

მისივე შეფასებით, ეს იქნება კიდევ ერთი ძალიან მნიშვნელოვანი გზავნილი იმისა, რომ აშშ მტკიცედ დგას საქართველოს გვერდით, მხარს უჭერს საქართველოს ტერიტორიულ მთლიანობას, სუვერენიტეტს და მოუწოდებს რუსეთის ფედერაციას, შეასრულოს ნაკისრი ვალდებულებები, როგორც საერთაშორისო ორგანიზაციების ფარგლებში, ასევე ცეცხლის შეწყვეტის შეთანხმების შესახებ.

შეგახსენებთ, რომ 2017 წლის 30 მარტს სენატორმა როჯერ უიკერმა (რესპუბლიკური პარტია) და სენატორმა ბენ კარდინმა (დემოკრატიული პარტია)  აშშ-ის სენატში საქართველოს ტერიტორიული მთლიანობის მხარდამჭერი რეზოლუცია (S. Res. 106) წარადგინეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა