საქართველოს რეგიონული განვითარებისა და ინფრასტრუქტურის მინისტრის ზურაბ ალავიძის განცხადებით, თვითმმართველი ქალაქების რაოდენობის ზრდის შედეგად, საბიუჯეტო ხარჯები 40 მილიონი ლარით გაიზარდა.

როგორც ალავიძემ აღნიშნა, ქვეყანას არ აქვს იმის ფუფუნება, რომ თვითმმართველი ქალაქებისთვის მსგავსი ხარჯი გასწიოს, მინისტრის თქმით, თანხები შესაძლოა რეგიონებში გზებისა და სხვა ინფრასტრუქტურული პრობლემების მოგვარებაზე დაიხარჯოს.

ალავიძის თქმით, საკითხი საბოლოოდ გადაწყვეტილი არ არის და მსჯელობა არასამთავრობო ორგანიზაციებთან ერთად გაგრძელდება. 

„თვითმმართველი ქალაქების რაოდენობის ზრდის შედეგად, საბიუჯეტო ხარჯები 40 მილიონი ლარით გაიზარდა. ჩვენს ქვეყანას არ აქვს იმის ფუფუნება, რომ მსგავსი ხარჯი გასწიოს თვითმმართველი ქალაქებისთვის, მაშინ, როდესაც შესაძლებელია ეს თანხები დაიხარჯოს რეგიონებში გზებისა და სხვა ინფრასტრუქტურული პრობლემების მოსაგვარებლად", - აღნიშნა მინისტრმა. 

შეგახსენებთ, მმართველი გუნდი ცვლილებებზე მუშაობს, რომელიც თვითმმართველი ქალაქების შემცირებას ითვალისწინებს. შესაბამისი კანონპროექტი ინფრასტრუქტურის სამინისტრომ უნდა მოამზადოს. 

თვითმმართველი ქალაქების რაოდენობის შესაძლო შემცირებას საზოგადოებრივი და მედიაორგანიზაციები აპროტესტებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა