თბილისის ინტერპოლისა და შსს-ს საპატრულო პოლიციის დეპარტამენტის  სასაზღვრო-სამიგრაციო  კონტროლის სამმართველო „თბილისის აეროპორტის“ თანამშრომლებმა, ერთობლივად ჩატარებული ღონისძიების შედეგად, რუსეთის ფედერაციიდან საქართველოში შემოსვლისას,  მიმდინარე წლის იანვრიდან კიევის ინტერპოლის მიერ  ძებნილი უკრაინის მოქალაქე, 1958 წელს დაბადებული ი.კ.  დააკავეს.

„ი.კ.-ს ბრალად ედება  უკრაინის  სისხლის სამართლის კოდექსის 255-ე მუხლის 1-ლი ნაწილით და 191-ე მუხლის მე-5 ნაწილით გათვალისწინებული დანაშაულის ჩადენა, რაც კრიმინალური ორგანიზაციის შექმნას და თანამდებობის ბოროტად გამოყენებით  ქონების უკანონო მითვისება-გაფლანგვას გულისხმობს.

დაკავებულის მიმართ კანონით გათვალისწინებული წინასაექსტრადიციო პროცედურები მიმდინარეობს“,-ნათქვამია შსს-ს განცხადებაში.

შეგახსენებთ, უკრაინის გენერალურმა პროკურორმა იური ლუცენკმ  სოციალური ქსელის მეშვეობით გაავრცელა ინფორმაცია, რომ საქართველოში ენერგეტიკის მინისტრის ყოფილი მოადგილე იგორ კირიუშინი დააკავეს.

როგორც ლუცენკო წერს, იგორ კირიუშინის წინააღმდეგ გამოძიება მიმდინარეობს და პროკურატურა მას 2 მილიარდი გრივნის ოდენობის ქონების მითვისებას ედავება.

"კირიუშინი საქართველოს ტერიტორიაზე დააკავეს. დღეს, საქართველოს თემიდამ მიიღო გადაწყვეტილება, რომ კირიუშინი 90 დღით დააკავოს, რათა გადაწყდეს მისი ექსტრადირების საკითხი", - წერს გენერალური პროკურორი.

მან ქართველ კოლეგებს მადლობა გადაუხადა და ქართულ ენაზე მიმართა: „გმადლობთ მეგობრებო“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა