საქართველოს პრეზიდენტმა გიორგი მარგველაშვილმა მარნეულში შეკრებილ მოსახლეობას ნოვრუზ ბაირამის დღესასწაული მიულოცა. 

პრეზიდენტმა მათ მადლობა გადაუხადა იმ ჩართულობისთვის, რომლითაც საზოგადოებას აძლიერებენ.

„ძალიან მიხარია ყოველ წელს აქ თქვენთან ერთად ყოფნა და ნოვრუზ ბაირამის, გაზაფხულის შემოსვლის, ახლის დაბადების, ახლის დაწყების თქვენთან ერთად ზეიმი. გილოცავთ და გისურვებთ ძალიან ბევრ წარმატებას. ყოველ წელს მიხარია, როდესაც ჩამოვდივარ აქ და ვხედავ როგორ  განახლებულია მარნეული, თქვენი შრომით, ღვაწლით, დაუღალავი მუშაობით კიდევ უფრო ლამაზი ხდება თქვენი ქალაქი. მინდა, მადლობა გითხრათ იმ მუშაობისა და თავდადებისთვის, რომლითაც აძლიერებთ ჩვენ ერთიანს სამშობლოს. მინდა, მადლობა გითხრათ იმ ჩართულობისთვის, რომლითაც თქვენ აძლიერებთ ჩვენს საზოგადოებას“, - განაცხადა პრეზიდენტმა. 

გიორგი მარგველაშვილის განცხადებით, აზერბაიჯანული წარმოშობის საქართველოს მოქალაქეები არიან მართლაც მნიშვნელოვანი შემადგენელი ქართული ერთიანი სახელმწიფოსი და ერთიანი სივრცის. 

„სულ რამდენიმე დღის წინ ჩამოვედი ბაქოდან, სადაც ვხვდებოდი ჩვენს მოძმე სახელმწიფოს ხელმძღვანელებს ; ერთად ვსაუბრობდით იმის თაობაზე, როგორ გავაძლიეროთ აზერბაიჯანი და საქართველო,  აზერბაიჯანმა და საქართველომ მისცენ კიდევ უფრო დიდი შანსები ჩვენს რეგიონს, უზრუნველყონ მშვიდობა და განვითარება ჩვენი რეგიონის. გულითადად გილოცავთ დღევანდელ დღეს, გისურვებთ გამარჯვებას, წარმატებას და კიდევ მეტ აღმშენებლობას, კიდევ მეტ დამშვენებას თქვენი მშვენიერი მარნეულის, რაიონის და ქალაქის. გაიხარეთ და გილოცავთ“, - აღნიშნა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა