„მოძრაობა თავისუფლებისთვის - ევროპული საქართველოს“ წევრის, გიორგის კანდელაკის განცხადებით, ბოლო პერიოდში რუსეთი აგრესიულ, მტრულ ნაბიჯებს დგამს და საქართველოს ტერიტორიების ოკუპაციას აღრმავებს.

როგორც კანდელაკმა ჟურნალისტებს აფხაზეთში დამატებით საზენიტო დანადგარების განთავსების კომენტირებისას განუცხადა, შემაშფოთებელია, რომ აღნიშნულის საპირისპიროდ უმაღლეს პოლიტიკურ დონეზე „საქართველოს მთავრობა არაფერს აკეთებს“.

კანდელაკის განმარტებით, მთავრობის საგარეო პოლიტიკა რუსეთისთვის კომფორტის შექმნაში მდგომარეობს.

„საქართველოს პრემიერ-მინისტრი არ ჩასულა ვიზიტით ამ საკითხების ირგვლივ, ყურადღების მობილიზების მიზნით, არც ერთ მნიშვნელოვან დედაქალაქში, არ განუხორციელებია ზარი არც ერთ მსოფლიო ლიდერთან  იმისთვის, რომ მოხდეს ამ საკითხის ირგვლივ საერთშორიშო თანამეგობრობის დარაზმვა“, - აღნიშნა კანდელაკმა და დასძინა, რომ „როცა მსოფლიო ლიდერები უკრაინის მიმართ რუსეთის აგრესიაზე საუბრობენ, მსჯელობენ იმაზე, თუ როგორ უნდა დაეხმარონ უკრაინას ამ აგრესიისგან თავის დასაცავად, ისინი საქართველოს აღარ ახსენებენ“.

შეგახსენებთ, ინტერნეტში ვიდეომასალა ვრცელდება, რომელშიც ჩანს თუ როგორ გადაადგილდება ოკუპირებული აფხაზეთის რეგიონში რუსეთის დამატებითი მძიმე სამხედრო ტექნიკა.  კერძოდ, საუბარია C-300-ის ტიპის საზენიტო-სარაკეტო კომპლექსებზე, რომლებიც მოსკოვმა აფხაზეთში გაგზავნა.  გავრცელებული ინფორმაციით, კომპლექსები სოჭიდან შეიტანეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა