ვახტანგ ხმალაძის განცხადებით,  საკონსტიტუციო კომისიისთვის მის მიერ შეთავაზებული  პრეზიდენტის არაპირდაპირი არჩევის წესით, ლეგიტიმაციის ხარისხი უფრო მაღალი იქნება.

კერძოდ, ხმალაძის განმარტებით,  ეს წესი გულისხმობს-პრეზიდენტის არაპირდაპირი წესით არჩევას  2023 წლიდან; პრეზიდენტის არჩევას არა პარლამენტის მიერ, არამედ ე.წ. ამომრჩეველთა კოლეგიის მიერ, რომელიც შედგება პარლამენტის 150 წევრისაგან, 150 დელეგატისაგან და რომლებსაც აირჩევენ აფხაზეთისა და აჭარის უმაღლესი საბჭოები, საკრებულოთა გაერთიანებები, იმ პროპორციით, როგორო პროპორციითაც იქნებიან ამ საკრებულოებში წარმოდგენილი სხვადასხვა პოლიტიკური პარტიები.

„შესაბამისად, იმის გათვალისწინებით, რომ პარლამენტისა და საკრებულოთა არჩევნები სხვადასხვა დროს ტარდება, პროპორცია პოლიტიკურ პარტიებს შორის, პარლამენტსა და საკრებულოებში შეიძლება, და მაღალი ალბათობით ასეც იქნება, იყოს ფრიად განსხვავებული ერთი მეორისგან. ამდენად სურათი ამრჩევთა იქნება უფრო გაწონასწორებული და მათი რაოდენობა იქნება უფრო მეტი. და შესაბამისად ლეგიტიმაციის ხარისხიც უფრო მაღალი იქნება.

ამაზე კენჭისყრა არ გამართულა, მაგრამ კომისიის სამუშაო ჯგუფის არაერთმა წევრმა მიიჩნია ეს წინადადება მისაღებად, დანარჩენი ვნახო,  როგორ იქნება, მინიმუმ ალტერნატივის სახით იქნება ეს წარმოდგენილი, იმის ალტერნატივისა, რაც დღეს გვაქვს",-აღნიშნა ხმალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კანადამ და ევროკავშირმა ალიანსის შექმნის შესახებ განაცხადეს

აშშ-ის სასამართლომ ტრამპის ადმინისტრაციას საარჩევნო კომისიის წევრების დაშინება აუკრძალა

პოლონეთის პრემიერ-მინისტრმა საკონსტიტუციო ტრიბუნალთან დაკავშირებულ კონფლიქტზე - კანონის უზენაესობის აღდგენა ჩვენი მოვალეობაა

პოლონეთის პრეზიდენტმა საკონსტიტუციო ტრიბუნალის შენობა დატოვა, საპროტესტო აქციები გაგრძელდა