პარლამენტის ვიცე-სპიკერის, საკონსტიტუციო კომისიის წევრის,  თამარ ჩუგოშვილის განცხადებით, ვახტანგ ხმალაძემ კომისიის დღევანდელი სხდომის მონაწილეებს, პრეზიდენტის არაპირდაპირი არჩევის წესის განსხვავებული ვერსია შესთავაზა.

მისივე განმარტებით, ხმალაძის ინიციატივაა, რომ პრეზიდენტის არაპირდაპირი წესით არჩევაში პარლამენტთან ერთად,   ადგილობრივი თვითმმართველობის წარმომადგენლებიც მონაწილეობდნენ.

"პრეზიდენტის მომავალი არჩევნები იქნება პირდაპირი წესით. დღეს იყო შემოთავაზებული არაპირდაპირი არჩევის წესის განსხვავებული ვერსია. არაპირდაპირი არჩევის ერთი გზაა, რომ პრეზიდენტი პარლამენტმა აირჩიოს. მეორე გზაა, რომ იყოს გარკვეული კომბინაცია, მაგალითად აჭარის უმაღლესი საბჭოს, ადგილობრივი თვითმმართველობის ორგანოების მონაწილეობით და გარკვეული 2-ეტაპიანი სისტემა იყოს, ანუ არა მხოლოდ პარლამენტის წევრები, არამედ კიდევ  ადგილობრივი თვითმმართველობის წარმომადგენლებიც ერთობლივად ირჩევდნენ არაპირდაპირი წესით. ჩვენ შევთანხმდით, რომ ინიციატორი იდეის წარმოადგენს ფორმულირებას და ჩვენ სამომავლოდ კიდევ მივუბრუნდებით ამ ნორმას",-აღნიშნა ჩუგოშვილმა.

თავად ჩუგოშვილი პრობლემას ვერ ხედავს, რომ პრეზიდენტის არაპირდაპირი არჩევის წესი იყოს ცოტა უფრო კომპლექსური, ვიდრე-მხოლოდ პარლამენტის მიერ არჩევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანეთმა რუსული „ჩრდილოვანი ფლოტის“ ტანკერი დააკავა

დრონის დარტყმები რუსეთში: ხანძარი ტულის რეგიონში მდებარე „აზოტის“ ქარხანაში

ტრამპის ადმინისტრაციამ 20 მდე მიგრანტი ცენტრალური აფრიკის რესპუბლიკაში გადაასახლა, მათ შორის არიან ქართველებიც

ტრამპი ირანთან შეთანხმების მიღწევას დაჰპირდა, თუმცა თეირანი რაიმე შეთანხმებას უარყოფს