საქართველოს პარლამენტის თავმჯდომარის ირაკლი კობახიძის განცხადებით, კონსტიტუციისა და კანონმდებლობის მოთხოვნების თანახმად, ჯერ უნდა შემუშავდეს კონსტიტუციური კანონპროექტი და ამის შემდეგ უნდა დაიწყოს საყოველთაო სახალხო განხილვა.

როგორც კობახიძემ განმარტა, კანონმდებლობის თანახმად, ამ განხილვის ინიციატორი და ორგანიზატორი არის საქართველოს პარლამენტი.

"ეს წერია კონსტიტუციაში და მოქმედ კანონმდებლობაში. შეიძლება საქართველოს პრეზიდენტი ხელმძღვანელობს სხვა კონსტიტუციით და სხვა კანონმდებლობით“, - განაცხადა ირაკლი კობახიძემ პრეზიდენტის მიერ დაწყებული კამპანიის კომენტირებისას. 

მისისვე თქმით, სახელმწიფო საკონსტიტუციო კომისია მოქმედებს კონკრეტული დღის წესრიგით, რომელიც კანონმდებლობას ემყარება.

„ჩვენი დღის წესრიგი არის რაციონალური, არის ლოგიკური, განსხვავებით იმ დღის წესრიგისგან, რომელსაც გვთავაზობს საქართველოს პრეზიდენტი“, - აღნიშნა კობახიძემ.

პარლამენტის თავმჯდომარის განმარტებით, მისთვის გაუგებარია პრეზიდენტის მხრიდან საკონსტიტუციო კომისიის ბოიკოტის მიზეზი. მან კიდევ ერთხელ მოუწოდა პრეზიდენტს, სახელმწიფო საკონსტიტუციო კომისიის მუშაობაში ჩაერთოს. 

შეგახსენებთ, დღეს საქართველოს პრეზიდენტმა გიორგი მარგველაშვილმა კამპანია „კონსტიტუცია ყველასია“ დაიწყო. პირველი შეხვედრა თელავში გაიმართა. პრეზიდენტის კამპანია კონსტიტუციის დამტკიცებამდე, ცვლილებების განხილვის პროცესში, საერთო სახალხო ჩართულობას გულისხმობს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა