პარლამენტის ფრაქცია „ერთიანი ნაციონალური მოძრაობის“ დეპუტატი თინა ბოკუჩავა ამერიკის შეერთებული შტატების საელჩოს მიერ გაკეთებულ განცხადებას ეხმაურება.

მისი თქმით,  ნებისმიერი ნაბიჯი რუსეთის,  ან აფხაზეთის დეფაქტო ხელისუფლების მხრიდან, რომელიც საქართველოს ტერიტორიულ მთლიანობას ლახავს, საქართველოს მიმართ აშშ-ის პოლიტიკას ეწინააღმდეგება.

„საქართველოს ხელისუფლება ეწევა ისეთ პოლიტიკას, რომელიც ქვეყნის სუვერენიტეტს ლახავს. მოგეხსენებათ, ხელისუფლებამ საზოგადოების ზურგს უკან  ხელშეკრულება გააფორმა „გაზპრომთან“ და ახლა რამდენადაც ცნობილია, ე.წ. აფხაზეთის რკინიგზის აღდგენაზეც აწარმოებს მოლაპარაკებებს.   ამერიკის შეერთებული შტატები უპირობოდ მხარს უჭერს საქართველოს ტერიტორიულ მთლიანობას. შესაბამისად, ნებისმიერი ნაბიჯი რუსეთის,  ან აფხაზეთის დეფაქტო ხელისუფლების მხრიდან, რომელიც საქართველოს ტერიტორიულ მთლიანობას ლახავს, პირდაპირ ეწინააღმდეგება მათ პოლიტიკას საქართველოს მიმართ.  საქართველოს მთავრობის ნაბიჯებს რაც შეეხება, მათმა მაამებლურმა პოლიტიკამ რუსეთთან მიმართებაში, ვერანაირი ნორმალიზება ვერ გამოიწვია. პირიქით, უფრო დაიძაბა სიტუაცია - უფრო ხშირად ვხედავთ ოკუპაციის ხაზის გადმოწევას, გატაცებას და ა.შ. ამიტომ, ასეთი მაამებლური პოლიტიკა, რომელიც მარტო გვტოვებს ოკუპანტ სახელმწიფოსთან, ჩვენთვის ძალიან საზიანოა“, - განაცხადა თინა ბოკუჩავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა

აზერბაიჯანმა ირანული ავიაკომპანიების რეისები აშშ-ის სანქციების გამო შეაჩერა.