რეგიონული უსაფრთხოების საკითხები განიხილეს საქართველოს პრემიერ–მინისტრ ირაკლი ღარიბაშვილის აზერბაიჯანის თავდაცვის მინისტრთან, გენერალ-პოლკოვნიკ ზაკირ ჰასანოვთან და თურქეთის რესპუბლიკის თავდაცვის მინისტრ იშმეთ ილმაზთან გამართულ შეხვედრაზე.

მთავრობის ადმინისტრაციის პრესსამსახურის ინფორმაციით, მხარეებმა სამმხრივი თანამშრომლობის გაღრმავების იმედი გამოთქვეს და აღინიშნეს, რომ ამგვარი თანამშრომლობა ხელს შეუწყობს რეგიონში უსაფრთხოების განმტკიცებას.

ხაზი გაესვა ევროკავშირის მონიტორინგის მისიის მნიშვნელობას.  საუბარი შეეხო საქართველოს, აზერბაიჯანსა და თურქეთს შორის განათლების სფეროში ურთიერთობების  განვითარების პერსპექტივებს.

შეხვედრაზე განიხილეს საქართველოს ევროატლანტიკურ სტრუქტურებში ინტეგრაციის პროცესში მიღწეული პროგრესი.

„რამდენადაც ვიცი, თქვენ გქონდათ ნაყოფიერი შეხვედრა თქვენს ქართველ კოლეგასთან და შეთანხმდით ბევრ საკითხზე. ჩვენი, სამი სახელმწიფოს ერთობა არის უაღრესად მნიშვნელოვანი და მიხარია, რომ ჩვენ რეალურად მეგობრული და პარტნიორული  ურთიერთობები გვაკავშირებს“, - განაცხადა ირაკლი ღარიბაშვილმა.

საქართველოს მთავრობის მეთაურმა  მადლობა გადაუხადა თურქეთის და აზერბაიჯანის თავდაცვის მინისტრებს საქართველოს სუვერენიტეტისა და ტერიტორიული მთლიანობის მტკიცე მხარდაჭერისთვის.

მთავრობის ადმინისტრაციაში გამართულ შეხვედრას საქართველოს თავდაცვის მინისტრი მინდია ჯანელიძე და სახელმწიფო უსაფრთხოებისა და კრიზისების მართვის საბჭოს მდივანი დავით სუჯაშვილი დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

68 წლის შერონ სტოუნმა 34 წლის შემდეგ ხელახლა განასახიერა „ძირითადი ინსტინქტის“ ლეგენდარული სცენა

საფრანგეთში არეულობების შემდეგ Hermès-ი ბუტიკებში უსაფრთხოების ზომებს აძლიერებს

თავის ახალ სამშვიდობო გეგმაში აშშ-მ მოსკოვს შესთავაზა დონბასში დემილიტარიზებული ზონის შექმნა, უკრაინის მიერ ნატოზე უარის თქმა და რუსეთის წინააღმდეგ სანქციების მოხსნა

დათო ტურაშვილი განათლებაზე, წიგნებსა და შვილიშვილთან ურთიერთობაზე