„ეს არ არის ის თანხა, რომელიც დაიხარჯება და გაქრება“, – ამის შესახებ ფინანსთა მინისტრმა ნოდარ ხადურმა ჟურნალისტებს EBRD–ის ბიზნეს ფორუმის მასპინძლობისთვის გაწეულ ხარჯებთან დაკავშრებით განაცხადა. 

მისივე მტკიცებით, ბიზნესფორუმზე ქართველ ბიზნესმენებს საშუალება ექნებათ მსოფლიოს თავისი პროდუქცია, ტექნოლოგიები, შესაძლებლობები ტურზიმისა და მშენებლობის მიმართულებით გააცნონ. 

შესაბამისად, ხადურის თქმით, თანხას, რომელიც ამ ფორუმისთვის დაიხარჯება, ათასჯერ მეტი ინვესტიცია მოჰყვება. 

„როდესაც ასეთი ტიპის ღონისძიებაზე 2000 უცხოელი ჩამოდის, მათი ინტერესი გაზრდილია და იმისდამიხედვით, თუ ჩვენ რას შევთავაზებთ. ძალიან საინტერესო პროგრამები გვაქვს. ბიზნესმენებს საშუალება ექნებათ მათ გააცნონ  თავისი პროდუქცია, ტექნოლოგიები, შესაძლებლობები ტურიზმის, მშენებლობის, განსაკუთრებით სოფლის მეურნეობის მიმართულებით. ეს ყველაფერი იქნება კონკრეტულ ბიზნესწინადადებებში გარდაქმნილი“, – აღნიშნა ხადურმა. 

ცნობისთვის, მიმდინარე წლის 13–15 მაისს საქართველო  EBRD–ის ბიზნესფორუმს უმასპინძლებს. 
ფორუმის მასპინძლობისთვის, ფინანსთა სამინისტროს ინფორმაციით, სახელმწიფო ბიუჯეტიდან ამ დროისთვის გაწეული ხარჯები  11 748 411  ლარს შეადგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია

ისარგებლეთ საქართველოს ბანკის საკრედიტო Amex-ის შეთავაზებით ოთხ სავაჭრო ცენტრში

Euromoney-მ თიბისი საუკეთესო კორპორატიულ ბანკად მესამედ დაასახელა

ხაშურობისთვის მერიამ ზაზა ნოზაძე გარეპავს- ბიუჯეტიდან კონცერტის ორგანიზატორს 93 000 ლარს გადაუხდიან