ნოდარ ხადური: როცა პრეზიდენტი ამბობდა, რომ ეკონომიკური ზრდა შენელებულია, ის 5%-ით იყო გაზრდილი

2015-04-01 17:33:09, 981 ნახვა

ეკონომიკა

"იმ დღეს როდესაც პრეზიდენტი ამბობდა, რომ ეკონომიკური ზრდა არის შენელებული, გამოქვეყნდა სტატისტიკის სამსახურის ინფორმაცია, რომ ეკონომიკა 5%-ით გაიზარდა",- ამის შესახებ ფინანსთა მინისტრმა ნოდარ ხადურმა პრეზიდენტ გიორგი მარგველაშვილის მოხსენების შეფასებისას განაცხადა.

მინისტრი ასევე ეკონომიკური საბჭოსა და სააგენტოების მუშაობის შესახებ პრეზიდენტის შენიშვნას გამოეხმაურა.

"ეკონომიკური საბჭო არის ძალიან კარგი ინსტრუმენტი იმისათვის რომ გავუზიაროთ ერთმანეთს მოსაზრებები და გვქონდეს მეტი კომუნიკაცია. იქ არ არიან მხოლოდ მინისტრები. რაც შეეხება ეკონონიკურ ზრდას, იმ დღეს, როდესაც პრეზიდენტი ამბობდა, რომ არის შენელებული, გამოქვეყნდა სტატისტიკის სამსახურის ინფორმაცია, რომ ეკონომიკა 5%-ით გაიზარდა",-განაცხადა ხადურმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან